WATUPA TAKA OVYO KUPIGWA FAINI KISARAWE

HALMASHAURI ya Wilaya ya Kisarawe mkoani Pwani katika kuunga mkono juhudi za serikali ya awamu ya tano katika kuboresha usafi wa mazingira na kuthibiti kutokea kwa amlipuko wa magonjwa mbali mbali imeamua kuweka sheria ndogondogo   zitakazotumia  kuwachukulia hatua kali wananchi watakaobainika kutupa uchafu ovyo ambao unaweza  kuhatarisha usalama wa afya zao ikiwemo kuwapiga faini ya kuanzia kiasi cha  shilingi laki mbili na kuendelea.

 Kauli hiyo imetolewa na  Mkurugenzi mtendaji wa halmashauri ya Wilaya

ya Kisarawe Mussa Gama wakati akizungumzia kuhusiana na mikakati

endelevu waliyoiweka katika  kutekeleza azma ya  agizo la Makamu wa

Rais la Mama Samia Suluhu la wananchi wote kufanya usafi katika kila

jumamosi ya mwisho wa mwezi na kwamba itaweza kuwasaidia wananchi

kuondokana na ile hali ya kupata magonjwa ya mlipuko.

Gama alibainisha kwamba lengo lao kubwa ni kuhakikisha wanaweka

misingi imara kwa ajili ya kuboresha usafi wa mazingira katika maeneo

mbali mbai ikiwemo katika masoko, zahanati, hospitali pamoja na sehemu

za barabarani.

“sisi kama halmashauri ya Kisarawe hatuna mzaha kabisa katika suala

zima la usafi wa mazingira nah ii ni hatua ya utekelezaji wa maagizo

ambayo yalitolewa na Makamu wa Rais Mama Samia Suluhu ya kuhakikisha

kwamba wananchi wote wanafanya usafi katika maeneo yao ya makazi nay

ale ya biashara katika kila juma mosi ya mwisho wa mwezi na sisi ili

tunalifanya kazi ipasavyo bila masihala,”alisema Gama.

Aidha Gama katika kutimiza azma hiyo ya serikali ya awamu ya tano

katika kuwathibiti baaaadhi ya watu ambao wamekuwa wakienda kinyume

cha sheria na taratibu ambazo zimewekwa tayari wameshaweka sheria kali

kwa kushirikiana na baraza la madiwani ambazo zitatumika katika

kuwawajibisha wale wote ambao watabainika wanachafua mazingira kwa

makusudi.

Mkurugenzi huyo aliongeza kuwa kwa sasa katika halmashauri ya Wilaya

ya Kisarawewananchi walio wengine tayari wameshaanza kuyazingatia

maelekezo mbali mbali ambayo yanatolewa na wataalamu wa afya kuhusiana

na madhara ya utupaji wa taka ovyo yanaweza kusababisha kutokea kwa

milipuko ya magonjwa mbali mbali.

Katika hatua nyingine Gama hakusita kuwaasa wananchi wote wa

halmashauri ya Wilaya ya Kisarawe kuhakikisha kwamba wanaendelea

kuzingatia misingi ya kulinda afya zao kwa kuendelea kunawa mikono yao

kwa kutumia maji  tiririka na sabuni  wakati wa kula vyakula kwa lengo

la kuthibiti hali ya kutokea kwa magonjwa ya aina mabli mbali kama

vile kuhara pamoja na kuumwa na matumbo.