SPIKA NDUGAI AWAAPISHA WABUNGE WATANO KUTOKA BARAZA LA WAWAKILISHI

Charles James,  Michuzi TV

SPIKA wa Bunge, Job Ndugai amewaapisha wabunge watano kutoka Baraza la Wawakilishi kuwa Wabunge wa Jamhuri ya Muungano wa Tanzania kama ambavyo Katiba inaelekeza.

Wabunge hao ni Amein Abdallah Ameir, Bakari Hamad Bakari, Bahati Khamis Kombo, Mwantatu Mbarak Khamis na Suleiman Haroub Suleiman.

" Leo Wabunge watano wamekula kiapo cha uaminifu baada ya kupokea waraka wa Spika wa Bunge la Wawakilishi Zanzibar, Zuberi Ali Maulid kama ambavyo Katiba yetu inataka wabunge watano kutoka Baraza la Wawakilishi wawe sehemu ya bunge letu, sasa nafasi zilizobakia ni zile za Rais tu," Amesema Spika Ndugai.