RC GEITA AANZA KAZI NA MAAGIZO YA UKARABATI WA 'STANDI' YA MABASI NA HIACE

 Na Victoria Robert,Geita.

Mkuu wa mkoa wa Geita Rosemary Swenyamule ameanza kazi rasmi kwa kutoa maagizo kwa mkurugenzi wa Halmashauri ya mji Geita kwa kumtaka kuziboresha/kuzikarabati,standi ya mabasi yaendayo mikoa na wilaya mbalimbali pamoja na ile ya magari madogo,kwani standi hizo haziendani na mkoa uliobarikiwa rasilimali nyingi ikiwemo dhahabu ambayo inazaliwa asilimia 40, na kuufanya mkoa huo kuwa wa kwanza kwa uzalishaji dhahabu nchini.

Maagizo hayo ameyatoa wakati wa makabidhiano ya ofisi kati ya aliyekuwa mkuu wa mkoa wa Geita  Mhandisi Robert Gabriel ambae ameamishiwa mkoa wa Mara ambapo amehaidi kutekeleza miradi yote ya maendeleo  ambayo ilianzishwa na mhandisi Gabriel ili kuwaletea maendeleo wananchi wa Geita.