Bilioni 600 zatolewa mikopo kwa wanawake.

 

 Na Mwandishiwetu,Mbeya

Asilimia 50 ya wanawake nchini wamenufaika na mikopo ya Zaidi ya Sh 600 Bilioni ,kupitia Benki ya Biashara Tanzania,(TCB)tangu   Serikali ilipoingia ubia.

 Ofisa Mtendaji Mkuu wa Benki hiyo ,Sabasaba  Moshingi ,amesema leo Septemba ,24,2021, mkoao hapa kwenye kongamano la wanawake lililoandaliwa na benki hiyo na kuhudhuriwa na Naibu Spika na Mbunge wa jimbo la Mbeya ,Dkt Tulia Ackson.

Amesema kuwa  mikopo hiyo imekuwa mkombozi mkubwa kwa wanawake  jambo ambalo limeleta tija ya kuanzisha miradi mbalimbali ya maendeleo kwa lengo la kutekeleza maagizo ya serikali kuwezesha wanawake.

“Asilimia 83 ya benki hiyo inamilikiwa na Serikali ya Tanzania na Zanz'bar  hivyo imelenga zaidi kuwezesha wanawake kiuchumo hivyo ni vyema sasa kutumia fursa za mikopo kupitia benki hiyo ili kuboresha miradi mbalimbali ya maendeleo"amesema.

Kwa upande wake Naibu Spika Dkt ,Tulia Ackson ameziagiza taasisi za kifedha kufanya tathimini za miradi inayofanywa na wanawake  kabla ya kuwapatia mikopo jambo ambalo uchangia mali zao kutaifishwa.

Amesema kuwa kumekuwepo na changamoto kubwa ya wakopaji kukwama kurejesha mikopo na sababu kubwa ni kutokuwa wabunifu na kuchukua mikopo mikubwa isiyoendana na biashara walizonazo.

Mfanyabishara wa duka la Jumla ,Zainab Ally amesema kuwa tangu kuwepo kwa mifumo ya utoaji mikopo kwa wanawake imekuwa chachu ya kuwainua kiuchumi na kuachana na utegemezi.

Naibu Spika Bunge la Tanzania,Dkt Tulia Akson (kulia) akisikiliza maelezo mafupi Kutoka mmoja wa wasiliamali walioshiriki Kongamano la Wanawake lililoandaliwa na Benki ya TCB katika Ukumbi wa ModernMbeya,Kushoto ni Mkurugenzi wa benki hiyo Sabasaba Moshingi .

Naibu Spika Dkt Tulia Akson,Akizungumza katika Kongamano la wanawake liloandaliwa na benki ya TCB katika ukumbi wa Modern Mbeya ,September 24,2021.

Mkurugenzi Mtendaji wa Benki ya TCB Sabasaba Moshingi akizungumza katika Kongamano la Wanawake liloandaliwa na benki hiyo  September 24,2021 Jijini Mbeya .

Mgeni rasmi katika Kongamano la Wanawake liloandaliwa na Benki ya TCB ,Dkt Tulia Akson (wa pili kushoto) akifuatilia maada katika kongamano hilo ,(wa tatu kushoto) Mkurugenzi wa Benki hiyo Sabasaba Moshingi, (wa kwanza kushoto) Mkuu wa Wilaya ya Mbeya Dkt  Rashid Chuachua na Mwanasheria wa Benki hiyo (kulia) Myistika Mapunda,September 24,2021.