WAZIRI WA AFYA AKUTANA NA WADAU WA AFYA YA MACHO

 Na.WAMJW- DSM

Waziri wa Afya, Maendeleo ya Jamii, Jinsia, Wazee na Watoto Dkt. Dorothy Gwajima leo amekutana na Wadau wa afya ya macho na kujadili mikakati ya kuboresha huduma za macho katika kuelekea maadhimisho ya siku ya afya ya macho Duniani kwa mwaka 2021 yenye kauli mbiu isemayo “Yapende macho yako, Nenda kapime sasa, kila mtu anahusika.

Dkt. Gwajima amekutana na wadau hao Mkoani Dar es salaam ikiwa ni sehemu moja wapo ya utekelezaji wa maelekezo yaliyotolewa na Rais wa Jamhuri ya Muungano wa Tanzania Mhe. Samia Suluhu Hassan ya ushirikiano wa Serikali na wadau kutembea pamoja ili kuwafikia watu wenye uhitaji nchini.