EQUITY BANK (T) NA SHIRIKA LA POSTA WAKUBALIANA KUTUMIA VITUO VYA SHIRIKA LA POSTA KUTOA HUDUMA ZA KIBENKI ILI KUFIKISHA HUDUMA ZA KIFEDHA KARIBU ZAIDI NA WANANCHI

Benki ya Equity (T)

imetia saini Mkataba wa Makubaliano na Shirika la Posta nchini kutumia

vituo vya Shirika hilo kutolea huduma za kibenki ili kusogeza

huduma karibu na watanzania wengi zaidi.

Akizungumza katika hafla ya utiaji saini mkataba huo jijini Dar es

Salaam, Mkurugenzi Mtendaji wa Benki ya Equity Robert Kiboti

amesema “Hatua hii itatuongezea wigo wa

mtandao wa utoaji huduma zetu ambazo ni nafuu zaidi nchini na hivyo

kuendana na lengo letu la kukomboa Watanzania kiuchumi kwa

kuongeza ushiriki wao katika mfumo rasmi wa fedha (financial inclusion).

“Kwa sasa Equity Bank ina mawakala wapatao 3,900 na hivyo kuungana

na Shirika la Posta kuwa kama Supa Wakala wetu , kupitia mtandao wa

ofisi zake  kutatuwezesha kuongeza idadi ya watu

watakaofikiwa na huduma zetu kwa ukaribu na urahisi zaidi. Kwa

kuanzia tutaanza na vituo 35 kwa maeneo ambayo hatukuwepo hapo awali" alisema.

Kwa upande wake, Kaimu Postamasta Mkuu wa Shirika la Posta

Tanzania, Macrice Mbodo amesema  “Tunajivunia kuweza kuungana na Benki ya Equity

katika kufanikisha mpango huu utakaosaidia kufikisha huduma za

kibenki kwa Watanzania wengi zaidi. Juu ya hilo kupitia mpango huu

Shirika la Posta pia litapata chanzo kipya cha mapato kupitia kamisheni

na hivyo kuimarisha mapato ya shirika”. Amesema.

Mkurugenzi Mtendaji wa Benki ya Equity Robert Kiboti akitia saini Mkataba wa Makubaliano na Shirika la Posta nchini. 

 Mkurugenzi Mtendaji wa Benki ya Equity Robert Kiboti na Kaimu Postamasta Mkuu wa Shirika la Posta

Tanzania, Macrice Mbodo Wakikabidhiana Mkataba huo.