NAIBU WAZIRI GEKUL ASHANGAZWA NA KASI YA ONGEZEKO MAGONJWA YASIYOAMBUKIZA

Naibu Waziri wa Afya, Godwin Molel (mwenye trak suit nyeupe) akiteta jambo na baadhi ya washiriki katika mazoezi kwenye uwanja wa Mgambo na maandamano yaliyoishia uwanja Sheikh Amri Abeid, kuashiria kuanza kwa Wiki ya Magonjwa Yasiyoambukiza yanayofanyika kitaifa mkoani Arusha.

Naibu Waziri wa Utamaduni, Sanaa na Michezo,Pauline Gekul akizungumza katika ufunguzi wa Wiki ya Magonjwa Yasiyoambukiza mwenye uwanja wa Sheikh Amri Abeid jijini Arusha jana.

Baadhi ya wadau wa afya wakishiriki katika mazoezi kwenye uwanja wa Mgambo juju ni Arusha katika siku ya kwanza ya maadhimisho ya Wiki ya Magonjwa Yasiyoambukiza yaliyoanza Novemba saba hadi 13 yakiwa na kauli mbiu “ Badili Mtindo wa Maisha, Boresha Afya”.

ONGEZEKO la magonjwa Yasiyoambukiza (NCD), limemshtua Naibu Waziri wa Utamaduni, Sanaa na michezo, Puline Gekul na kueleza kuwa inatia hofu kwani sasa linasababisha asilimia 33 hadi 40 ya vifo vya watu  nchini.

Akizungumza wakati akizindua maadhimisho ya Wiki ya MagonjwaYasiyoambukiza ambao kitaifa yanafanyika mkoani Arusha, uwanja wa Sheikh Amri Abeid, Gekul, alibainisha kwamba hofu hiyo inaongezwa zaidi sasa kwa magonjwa hayo kuwakumba vijana wadogo.

“ Sasa tafiti zinaonyesha kwamba magonjwa yasiyoambukiza yanasababisha vifo vya Watanzania kwa asilimia 33 hadi 40,” alisema Gekul.

Aliongeza kwamba, kwa kuwa NCD yanawakumba hata watoto, hivyo kusababisha watu kufa wakiwa na umri chini ya miaka 60.

Maadhimisho yaWiki ya NCD ambayo yalianza kufanyika mwaka2019 kwa mwaka huu yanabebwa na kaulimbiu isemayo ‘Badili Mtindo wa Maisha, BoreshaAfya’ Gekul alibainisha kuwa utafiti wa Shirika la Afya Duniani(WHO) unaonesha yanachangia vifo vya watumilioni 41 sawa na asilimia 70 ya vifo vyote duniani.

Katika hafla hiyo, Gekul pia alizindua Mwongozo wa Kitaifa juu ya kuushughulisha mwili huku akieleza  unakusudia kutoa mapendekezo ya kiafya kwa watoto na vijana, watu wazima na wazeeili kuleta faida kiafya na kupunguza athari zitokanazona tabia bwete.

Alisema kuwa ili kuepuka magonjwa hayo ni muhimu kila mmoja katika eneo lake akachukua hatua na  kubadili mtindo wa Maisha. Alitaja kufanya mazoezi, kupima afya walau mara nne kwa mwaka na kufuatilia kanuni za mlo kamili zitasaidia kuepuka magonjwa hayo.

 Naibu Waziri huyo wa Utamaduni, Sanaa na Michezo alikemea pia tabia ya baadhi ya watu kuvamia maeneo ya wazi ya michezo na kuyauza na kusema, anayefanya hivyo, anahujumu haki ya kucheza kwa watanzania.

 Mkuu wa Mkoa waArusha, John Mongela alisema wataendelea kuenzi heshima ya kuwa wenyeji wa maadhimisho ya Wiki ya Magonjwa Yasiyoambukiza kwa kuhakikishayanaleta mabadiliko chanya.

Naye Naibu Mkurugenzi wa Huduma za Tiba, Wizara ya Afya Dk Wanonji Thomas alisema kuwa magonjwa hayo kwa kiasi kikubwa yanachangiwa na vihatarishi vinavyotokana na tabia za mtindo wamaisha ikiwamo ulevi hasa wa pombe na uvutaji tumbaku,kutofanya mazoezi na kutozingatia lishe.