ZUIO LA BIASHARA YA KUSAFIRISHA WANYAMAPORI HAI NJE YA NCHI

Na Mwandishi Wetu - Dodoma

Mnamo tarehe 17, March 2016 Serikal ilitoa tamko la kuzuia ukamatajivna usafirishaji wa WANYAMAPORI hai nje ya nchi baada ya hatua hiyo Serikal iliamua  kuwarejesha  wafanyabiashara wa WANYAMAPORI hai  kiasi cha shilingi  173,289,430.60 ikiwa ni ada mbalimbali walizolipa kabla ya kusitishwa kwa biashara hiyo.

Hayo yamezungumzwa leo na Naibu Waziri wa Maliasili na Utalii Mh Merry Masanja wakati akisoma taarifa hiyo mbele ya waandishi wa habari jijini Dodoma.

Aidha Naibu Waziri huyo  amesema katika kutafuta ufumbuzi wa kudumu kufuatia malalamiko ya wafanyabiashara  wizara iliunda kamati ya wataalamu kwa ajili ya kufanya tadhimini  ya biashara ya kusafirisha WANYAMAPORI  hao.

Aidha Serikali imesema utaratibu huo utakapoanza kutumika pamoja na kuwezesha wafanyabiashara hao kuwekeza zaidi  kwenye ufugaji wa wanyamapori  pia utasaidia kulinda sekta hiyo ya utalii kwa kuendelea  kuwavutia  wageni kuja nchini kuona wanyamapori hai wakiwa kwenye mazingira yao ya asili. Na utaratibu mpya utapunguza gharama za kuhifadhi wanyamapori hai na pia mnyororo wa biashara hiyo utaweza kuwanufaisha watanzania wa makundi yote kuanzia wategaji (trappers), wataalamu wa kuchakata nyara na wasafirishaji wenyewe.