LUGALO GOFU KUSHIRIKI SHINDANO LA MAJENERALI MALAWI

Na.Khadija Seif,Michuzi TV 

KLABU ya Gofu ya Jeshi la Ulinzi la Wananchi wa Tanzania(JWTZ)Lugalo inatarajiwa kusafiri hii leo kwenda Malawi kwaajili ya shindano la siku Nne Kuwaenzi mashujaa wa Vita ya Pili ya Dunia.

Mkurugenzi wa Michezo na Utamaduni JWTZ  Kanali Martin Msumari amesema,timu ipo katika maandalizi ya mwisho na wachezaji 12 watakwenda kushiriki shindano hilo.

Naye Brigedia Jenerali Joseph Mbilinyi amesema,mpaka sasa timu yao ipovizuri kwaajili ya shindano na wanatumai wataweza kufanya vizuri kama shindano walivyofanya katika shindano la Mkuu wa Majeshi “NMB CDF TROPHY”lilofanyika nchini mwezi uliopita. 

Balozi Mstaafu Job Masima amesema,wao kama wachezaji wamejipanga kikamilifu kwaajili ya shindano hilo na wanatarajia kwenda kufanya vizuri na kurudi na ushindi nyumbani.

Wachezaji 12 Wakiongozwa na Mkuu wa Majeshi Mstaafu Jenerali George Waitara na Meja Jenerali Ibrahim Mhona na Mwenyekiti wa Lugalo Brigedia Jenerali Mstaafu Michael Luwongo ni miongoni mwa Wachezaji hao.