BREAKING NEWZZZZ: FBI WAMDAKA MTHUMIWA WA KUVUJISHA NYARAKA ZA SIRI ZA MAKAO MAKUU YA IDARA YA ULINZI YA MAREKANI LA PENTAGON

Idara ya upelelezi ya Marekani FBI leo imemtia mbaroni kijana mmoja ambaye ni mtuhumiwa wa skendo ya kuvuja kwa nyaraka za  siri maarufu kama  'Pentagon leak', vyombo vya habari vya Marekani vinaripoti, na kutaja kwamba jina lake ni Jack Teixeira.

Jina lake ambalo  awali lilifichwa lilifichuliwa na gazeti la New York Times ambalo kufuatia uchunguzi, mahojiano na uchambuzi wa nyaraka lilibaini jina hilo la Teixeira.Kijana huyo mwenye umri wa miaka 21 ambaye ni mwanachama wa kitengo cha kijasusi cha Massachusetts Air National Guard.

"Kuvuja kwa nyaraka za siri za Marekani mtandaoni ilikuwa ni kosa la jinai lililopangwa," msemaji wa Pentagon alisema.

Mtuhumiwa huyo inadaiwa alikuwa kiongozi wa kikundi cha mtandaoni kwenye jukwaa la "Discord" ambapo nyaraka za siri za Pentagon zilidownload, na kwamba ndiye aliyedhibiti seva ya kikundi hicho, kilichoitwa "Thug Shaker Central" chenye kujumuisha watu kati ya 20 na 30, wanaume na vijana, ambao walishirikiana katika kupenda  bunduki, katuni za ubaguzi wa rangi na michezo ya video.

 

Teixeira ni askari wa kikosi cha wanajeshi wa anga wa Massachusetts Air National Guard, ambaye alihamia kituo cha ndege cha Andrews Air Force Base hivi karibuni na hivi karibuni alibadilisha nambari yake, mama wa mpiganaji huyo wa anga aliiambia New York Times. 

 

Hata hivyo, haijajulikana mara moja endapo Teixeira alikuwa na uwezo wa kufikia nyaraka hizo za juu kabisa za siri na nyingine. Lakini inasemekana  kwamba nyaraka hizo kwa kawaida huwasili kwa njia ya barua, ambazo zinaweza kuhamishiwa kwa watu wengine. 

Wanachama wa kikundi chake cha mtandaoni walidai kwamba nyaraka hizo zilichapishwa toka miezi kadhaa iliyopita, kwa madhumuni ya habari tu na hawakupaswa kuondoka nazo nje ya grupu.

 

Pentagon ni makao makuu ya Idara ya Ulinzi ya Marekani na ipo Arlington, Virginia, karibu na Mto Potomac sio mbali sana kutoka Washington, D.C. Ni moja ya majengo makubwa ya ofisi duniani, lenye eneo la sakafu la takriban futi za mraba milioni 6.5 na wafanyakazi zaidi ya 23,000. 

Pentagon ilikamilika mwaka 1943 na hutumika kama kitovu cha misheni ya kijeshi ya Marekani, na Waziri wa Ulinzi na maafisa wengine wa ngazi za juu ya kijeshi hufanya kazi kutoka ofisi zake.