AFRIKA YATOA MSIMAMO COP 30

 

Mwenyekiti wa Kundi la Majadiliano la Afrika (AGN) Dkt. Richard Muyungi (kushoto) ambaye pia ni Mjumbe Maalum na Mshauri wa Rais katika masuala ya Mazingira na Mabadiliko ya Tabianchi akiwasilisha taarifa kwa niaba ya nchi 54 za Kundi la Afrika katika siku ya mwisho ya Mkutano wa 30 wa Umoja wa Mataifa kuhusu Mabadiliko ya Tabianchi (COP30) jijini Belem, Brazil. Kulia ni Mkurugenzi Msaidizi Idara ya Mazingira Ofisi ya Makamu wa Rais Dkt. Kanizio Manyika.

Katibu Mkuu wa Umoja wa Mataifa (UN) Antonio Guterres akisalimiana na Mkurugenzi Msaidizi wa Masuala ya Mabadilko ya Tabianchi Ofisi ya Makamu wa Rais Dkt Kanizio Manyika walipokitana katika kikao cha mashauriano wa Mawaziri wa Mazingira wa Nchi za Afrika ili kujadili vipaumbele na changamoto za nchi za Afrika katika kukabililiana na mabadiliko ya tabianchi. wakati wa Mkutano wa (30) Umoja wa Mataifa kuhusu Mabadiliko ya Tabianchi (COP30) uliofanyika jijini Belem, Brazil

Jamhuri ya Muungano wa Tanzania imewasilisha taarifa kwa niaba ya nchi 54 za Kundi la Afrika katika siku ya mwisho ya Mkutano wa 30 wa Umoja wa Mataifa kuhusu Mabadiliko ya Tabianchi (COP30) jijini Belem, Brazil.

Taarifa hiyo Afrika imesisitiza utolewaji wa fedha za kukabiliana na mabadiliko ya tabianchi kutoka nchi zilizoendelea si hisani ni wajibu na kuwa bara hilo linaendelea kusukuma mbele masuluhisho ambayo yanalinda jamii, maisha na kufungua maendeleo endelevu kwa zaidi ya watu bilioni moja.

Taarifa hiyo imewasilishwa na Mwenyekiti wa Kundi la Majadiliano la Afrika (AGN) Dkt. Richard Muyungi ambaye pia ni Mjumbe Maalum na Mshauri wa Rais katika masuala ya Mazingira na Mabadiliko ya Tabianchi.

Dkt. Muyungi alisema ufadhili wa masuala ya hali ya hewa ni lazima kutolewa kama ruzuku badala ya mikopo, akibainisha kuwa mikopo inaongeza mzigo wa madeni kwa mataifa ya Afrika. Alisisitiza kuwa Mfuko mpya wa Hali ya Hewa Duniani lazima utoe haki, usaidizi wa haraka na upatikanaji wa haki kwa mataifa ya Afrika.

Pia, aliangazia urekebishaji kama kipaumbele cha juu kwa Bara la Afrika ambapo alitoa wito wa kuwepo kwa viashirio vinavyoweza kupimika kwa Lengo la Kimataifa la Kukabiliana na Hali ya Hewa (GGA) ili kuhakikisha uaminifu na kufuatilia maendeleo ya ustahimilivu wa mfumo ikolojia na kupunguza hasara na uharibifu unaohusiana na hali ya hewa.

Kuhusu Mpito Tu na Upatikanaji wa Nishati Dkt. Muyungi alielezea mpito wa haki kama ule unaopanua upatikanaji wa nishati kwa mamilioni ya Waafrika walio gizani kwa sasa.

Hivyo, alisisitiza kuwekeza zaidi katika matumizi ya nishati safi ya kupikia rafiki kwa mazingira na kutumia madini ya kimkakati ya Afrika kwa ajili ya maendeleo yake ya viwanda na kutengeneza ajira.

Katika hatua nyingine, Dkt. Muyungi alibainisha kuwa Tanzania imechaguliwa kuwa mwenyeji wa Kituo cha Mtandao cha Santiago mwaka 2025, ambacho kitaratibu msaada wa kiufundi kwa hasara na uharibifu.

Sanjari na hatua hiyo, pia aliangazia juhudi za Tanzania katika kujenga kuta za bahari ili kulinda jamii za pwani dhidi ya kuingiliwa na maji ya bahari yanayotokana athari za mabadiliko ya tabianchi.

Wakati huo, AGN imeipongeza Ethiopia kwa kuchaguliwa kuwa mwenyeji wa Mkutano wa COP32 unaotarajiwa kufanyika Desemba 08-19, 2027 katika Jiji la Addis Ababa. Itakumbukwa mkutano kama huo uliwahi kufanyika katika Bara la Afrika mjini Sherm el Sheikh mwaka 2022. Vilevile, Mkutano wa COP 31 unatarajiwa kufanyika kwa pamoja na nchi mbili Australia na Uturuki kuanzia Novemba 09 hadi 20, 2027.

Hivyo, Dkt. Muyungi alisema kuwa kukaribisha COP32 katika ardhi ya Afrika kwa mara nyingine tena kunathibitisha dhamira isiyoyumba ya bara hilo katika kuendeleza malengo ya Mkataba wa Umoja wa Mataifa kuhusu Mabadiliko ya Tabianchi (UNFCCC) na Mkataba wake wa Paris.

Mkutano wa COP 30 ulichagizwa na kaulimbiu ‘Dira 2050: Utekelezaji wa Hatua Jumuishi za Uhimilivu na Mabadiliko ya Tabianchi na Maendeleo Endelevu’.