zAIDI YA SPISHI 1,000 ZA WADUDU ZAKUSANYWA MAABARA YA TAWIRI*

Wadudu wana mchango mkubwa katika uhifadhi wa wanyamapori, ambao ni rasilimali muhimu kwa utalii endelevu. Wadudu huchavusha mimea kwa zaidi ya asilimia 75, hurutubisha udongo, hutawanya mbegu na kusaidia kuota kwake, ni viashiria vya afya ya mfumo ikolojia na chakula cha baadhi ya wanyamapori.  

TAWIRI, kupitia maabara yake ya wadudu, imekusanya zaidi ya spishi 1,000 za wadudu, ikiendeleza tafiti na elimu kuhusu kundi hili muhimu la viumbe hai ambalo limepewa kipaumbele kidogo katika tafiti, licha ya mchango wake katika uhifadhi wa bioanuai. Duniani, zaidi ya spishi milioni moja za wadudu zimegunduliwa na kurekodiwa na wanasayansi.