sensei wa kibongo

Kwa taarifa yako tu ni kwamba huko ughaibuni kuna mtanzania aitwaye rumadha fundi ambaye ni kinara wa sanaa ya kujilinda kwa mikono mitupu (karate) aishiye mji wa Houston, texaz. Hivi karibuni alifanya mtihani na kuvuka toka daraja la tatu (3rd dan) hadi la nne (4th dan) ambalo ni kubwa kuliko mtanzania yeyote duniani kwa mtindo wa goju ryu karate. Hii picha za semina wakati wa mtihani aliofanya rumadha wa kupata dan ya nne, chini ya Sensei Master Masuda (6 dan), ambaye ni secretary general wa Okinawa Goju ryu na anaishi Okinawa chini ya Master Ihan (10 dan). Pia kulikuwako na Master Muramatsu 8 dan, aambaye aliwahi ku-train na Sensei Nantambu Camara Bomani (mwalimu wa dojo la Zanaki Tanzania) katika Dojo ya Okinawa chini ya Sensei Master Eiichi Miyazo 10dan , mapema miaka ya 70.

Kwa mlio huko si vibaya mkamtembelea. Mie naye tulicheza pamoja pale zanaki miaka ya 80, kabla yeye hajaende ughaibuni na kujiendeleza hadi kufikia ngazi hiyo. Mie nina kamkanda ka kahawaia na viel rumadha sasa ana leseni ya kufundisha popote duniani, ana mpango wa kufunguo dojo bongo nami nategemea kufanya mtihani wa mkanda mweusi.

Pichani ni Sensei Rumadha na Sensei Masuda. (Picha kwa hisani ya Houston dojo)

Ps: nakaribisha picha na habari kama hizi za wabongo mlioko ughaibuni kama utapenda nizitie bloguni tupate kufahamu mazuri mengi wabongo myafanyayo huko, hata kama ni harusi, mahafali, hafla za wabongo nk. bei dezo....