kayumba

Majuzi nilitembele katika viunga vya mji wa Bagamoyo kwa ajili ya kwenda kujionea mwenyewe matukio mbalimbali yaliyojiri kwenye tamasha la 26 la Utamaduni wa Mtanzania.

Katika pitapita zangu nilikutana na Supa staa wavipindi vya maigizo vya Haki Elimu maarufu kama Kayumba. Kijana huyu amefanikiwa kujizolea sifaa na umaarufu nchini kote kutokana na jinsi alivyoweza kuigiza kama mwanafunzi kutoka katika familia maskini ambaye anakumbana na matatizo mbalimbali katika jitihada za kupata elimu.

Hassan Saidi Mwemanda aka Kayumba (pichani shoto akiwa na mwandishi wa makala haya) alinieleza kuwa ni kweli ametoka katika famiali maskini na alifeli darasa la saba, hivyo aliamua kujikita katika sanaa kwani wazazi wake hawakuwa na uwezo wa kumsomesha katika shule ya kulipia.

Kwa bahati nzuri mmoja wa wawakilishi kutoka katika chama cha wasomi Waislamu bwana Hashim Saiboko ameamua kujitolea kudhamini masomo ya kijanahuyu na kwa sasa Kayumba anasoma katika shule ya sekondari ya Sotele iliyopo Mkuranga.

Kijana huyu mcheshi na asiye na makuu ukilinganisha na umaarufu wake alinieleza kuwa yeye anapenda sanaa na amepania kuisomea hadi kufikiangazi ya elimu ya juu. Aliongeza kwa kusema kuwa hivi sasa yeye ni msaniikatika kikundi cha Shada chenye makazi yake mjini Bagamoyo na yeye anchezasarakasi, kuimba pamoja na kupiga ngoma.

Baadhi ya wadau wameonyesha kushangazwa imekuaje msanii huyu asaidiwekusomeshwa na mtu binafsi badala ya taasisi ya Haki Elimu ambayo kwa kiasikikubwa imefanikiwa kufikisha ujumbe wake kwa kumtumia msanii huyu pamoja nawenzake: Jitihada zinafanyika ili kuweza kuwasiliana na uongozi wa taasisihiyo ili kuweza kupata picha halisi.

Kwa wasiofahamu, Kayumba ni msanii anayecheza nafasi ya mwanafunzi kutoka katika ukoo wa kimasikini anayepambana na hali ngumu ya maisha pamoja na masomo kwa wakati mmoja katika tangazo lililojipatia umaaarufu sana nchini lililotayarishwa na taasisi ya Haki Elimu.

Habari kutoka CHUZI NEWS