harambee kusaidia yatima wa mauaji ya kimbari rwanda

Balozi wa Rwanda Nchini Zeno Mutimura akizungumza na waandishi wa habari katika ukumbi wa Idara ya habari maelezo leo juu ya maadhimisho ya kumbukumbu ya mauaji ya kimbari yaliyotokea nchini humo mwaka 1994 miaka 15 iliyopita yanayotarajiwa kufanyika kesho kwenye ukumbi wa Karimjee jijini Dar.

 Katika maadhimisho hayo pia kutakuwa na wimbo maalum uliotungwa na mwanamuziki Nakaaya Sumari unaoitwa 'I am in Africa' unaohamasisha kuachana na mambo ambayo yanaweza kuchochea kwa mauaji kama yaliyotokea Rwanda. Pia wimbo huo unazungumzia kampeni ya kuwasaidia yatima walioko nchini Rwanda waliopoteza wazazi kutokana na mauaji hayo.

Wadau mbalimbali na mashirika wameombwa kuchangia kuazia dola moja na kuendelea.

 Balozi Mutimura amezitaja akaunti zitakazotumika kukusanya michango hiyo kuwa ni 

National Bank of Commerce 

Embassy of Rwanda 

Acc No. USD:012105025668 

na 

Acc no: Tsh: 012103016937

 kampeni hii itaendeshwa kwa muda wa siku 100 ili kukusanya michango hii katika picha kushoto ni Usia Nkhoma afisa habari wa umoja wa mataifa.

Nakaaya Sumari akielezea wandishi wa habari juu ya wimbo wake wa 'I am in Africa' alioutunga maalum kwa ajili ya kampeni ya kusaidia yatima waliotokana na mauaji ya kimbari mwaka 1994 nchini Rwanda.

Ubalozi wa Rwanda nchini  kwa kushirikiana na Umoja wa Mataifa wataadhimisha kukumbuka mauaji hayo kesho kwenye ukumbi wa Karimjee jijini.