hoja ya haja kwa TFF: namna gani rengi ya jezi ya stars?

Anko nanihii,

naomba unisaidie kuniwekea

haya maoni yangu kwenye global yetu ya jamii.

T.F.F. NAOMBA MWONGOZO...

Kwanza nianze kwa kusema kwa wale wataalamu wakukimbilia kutoa matamko ya kulaani kila wanaloona haliwapendezi,wale wenye uchu wa madaraka na wale ambao hawapendi kukosolewa naomba radhi kwa hili.Lakini ni imani yangu Tf.f. mtanipa mwongozo .

Waraka wangu huu unahusu jambo moja ambalo kama si mimi peke yangu basi kuna watanzania kama mimi ambao lina sumbua vichwani mwetu.

Mimi ni mmoja kati ya wapenzi wazuri wa soka la nyumbani hasa baada ya mabadiliko ya uongozi wa juu kutoka iliyokuwa FAT na sasa T.f.f iliyokuwa chizi ya Ndugu Tenga.Lakini kuna swala moja ambalo kama wanaweza kunisaidia ili niwezekupata jibu,KWANINI TIMU YA TAIFA IVAE JEZI YENYE AIDHA RANGI NYEUPE AU YENYE MICHIRIZI MEUPE?

mimi hapa napata taabu kidogo kuelewa ilikuaje mmeamua kutumia nyeupe ambayo haipo kwenywe bendera yetu ya nchi,kama taifa stars ni ya watanzania wote wanaopenda soka na wasio penda soka ikiwa inawakilisha watanzania wote.

Hebu tukumbushane kidogo leo hii ukiingia kwenye tovuti ya Tff ambayo bado ina nembo ya FAThili nalo ni kosa,utakuta kuna jezi za aina mbili nyumbani inaonyesha buluu na njano ukicheza ugenini ni kijani na buluu kama sikosei na soksi na bukta ni nyeusi ambazo zote hizi zinawakilisha rangi zetu kitaifa,sasa hii nyeupe imetoka wapi labda nikumbushe Bendera ya nchi yetu ina rangi nne ambazo kila rangi inamaana mfano;

RANGI YA KIJANI-mazao yetu,

RANGI YA NJANO-madini yetu,

RANGI YA NYEUSI-asili yetu,

RANGI YA BULUU-bahari yetu.

Sasa hii nyeupe imetokana na nini?hebu nisaidieni ili nielewe.Sina ugomvi na Tff namheshimu sana Rais Tenga ni mtu mwadilifu,mcheshi,mchapa kazi mpenda maendeleo ya soka,lakini kwa hili sipendi wanaotakakumchafua wafanye ndio sababu,kumbuka uncle Tenga ukiwa unagombea nafasi fulani unatangaza sera na unapo pata hiyo nafasi unaendeleza sera zako.

Sitarajii malumbano wala ugomvi nimatarajio yangu kama mtanzania nimeliona hili naomba mwongozo kutoka kwenu Tff.

Kumbukeni leo hii kuna mchakato wa kutafuta vazi la taifa sio kwamba tulikuwa hatuna lilikuwepe lkn limepotea,sasa hatutaki rangi ya timu ya taifa(jezi)ipotee.

Najua Tff mmefanyakazi kubwa sana kuwafanya watanzania kuvaa jezi yao tofauti na huko nyuma tulishaona timu ya taifa ikivaa jezi ya Agentina kwale wapenda soka watakubaliana nami.Ndio maana mimi nataka kujua kulikoni taifa stars kuvaa jezi nyeupe?

FAT ya Ndolanga iliweka au ilikuta hizo jezi ambazo tuna ziona kwenye tovuti yenu ,leo FAT haipo lakini kuna mambo mazuri ambayo wameyaacha ya chukueni mfano hili la jezi,sio lazima ziwe zile walizo acha lakini ziwe na rangi ya kitaifa.

Ndugu zangu timu ya taifa sio timu ya mtaa,wilaya,au mkoa timu ya taifa sio chama cha siasa ndio maana Rais wetu mpendwa Ndugu J. Kikwete ameweza kutuletea kocha wa mafanikio ambaya anamlipa.Sasa kama bendera yetu ina rangi nne lakini hamna nyeupe ila kuna mtu au kikundi kinataka kufurahishwa sio kwenye timu ya watanzania wote(Taifa stars) msilipe nafasi.Tusiige mataifa yaliyo endelea turingie utaifa wetu rangi za uridhi alizotuachia Baba wa Taifa(mwl j.k. nyerere)ni nzuri na zina sura ya utaifa.

Ushauri wangu kuna jezi ambayo ilitengenezwa na Zizzou Fashion ina rangi zote za taifa ila ina rangi nyeusi mabegani buluu hii inafaa kama inge boroshwa kidogo.Najua kila kitu kina historia hapa duniani lakini hii rangi nyeupe ina historia gani kwenye nchi yetu.

Nawaheshimu watendaji wote waTff ni imani yangu mtayafania kazi haya nilioomba mwongozo na niliojaribu kuwashauri.tunataka taifa letu liwe na rangi moja kuanzia riadha ambao una watambua bila kusoma jina,hasa sisi tuliombali na nyumbani.

Mungu ibariki Tff

Mungu ibariki Tanzania

BABAvickAlicE

TAFADHALI MKUU WA NANIIII NILINDE E-MAIL YANGU USIIWEKE PEUPE.