ufafanuzi wa matumizi ya tovuti ya taifa

UTUMIAJI WA TOVUTI YA WANANCHI

Nimesoma maoni ya mdau mmoja katika Blog hii akidai kuwa Tovuti ya Wananchi haina faida kwa wananchi na kwamba inajaribu kuchukua nafasi ya waheshimiwa Wabunge ambao ndio wenye dhamana ya kuwasilisha kero na maoni ya wananchi wao Serikalini.

Ukweli ni kwamba, tofauti na Tovuti nyingine, Tovuti hii inafanya kazi kwa mtindo wa barua, SMS au Simu. Mwananchi anapotuma barua yake, SMS yake au anapopiga simu ujumbe wake hauwekwi hadharani. Hivyo hivyo na mtumiaji wa Tovuti hii.

Kinachofanyika hapa ni kwamba, Mwananchi anaandika kero yake katika sehemu husika mara baada ya kuifungua kwa kufuata hatua zilizopo.

Ukiifungua hii Tovuti http://www.wananchi.go.tz/ kuna options;

Jifunze Zaidi:

Wasilisha Hoja:

Fuatilia Majibu:

Kata Rufaa:

Kama unawasilisha ujumbe bonyeza WASILISHA.

Ukishawasilisha ujumbe wako katika eneo hili, utapewa TIN (Namba ya hoja yako wewe mwenyewe).

Taarifa unazoandika hapa hiziwezi kusomwa na mtu mwingine zaidi ya Wahusika wa Idara ya Habari (Maafisa Habari) wenye Namba za Siri ambao kila siku hufungua Tovuti hii na kujibu maoni, kero au hoja za wananchi.

Maofisa hawa, huifungua hoja yako na kuisoma kisha huituma inakotakiwa kwenda. Kama hoja inahusu Wizara Fulani, hutumwa kwenda katika Wizara hiyo moja kwa moja ambako itafunguliwa na Afisa Habari na Mawasiliano wa Wizara husika. Baada ya hapo hujibiwa baada ya kupata majibu kutoka kwa muhsika ambaye anaweza kuwa Waziri , Katibu Mkuu, au Afisa yeyote mwenye dhamana ya wizara hiyo.

Kazi yote hii haiwekwi hadharani kama ambavyo sms yako isivyowekwa hadharani kwa mtu yeyote kuisoma. Kazi hii hufanywa kwa usiri kati ya Mtuma hoja, kero au maoni na Afisa mwenye dhamana na hoja hiyo.

Kama mtuma hoja atakuwa ametumia SMS kutuma hoja yake kwa njia ya Tovuti ya Wananchi, atapata jibu lake kwa njia ya SMS. Hii ndiyo sababu kuwa si kila mtu anaweza kufungua Tovuti ya Wananchi na kusoma hoja, kero au maoni yako la sivyo kila mtu angeweza kumjibu mtoa hoja hata kabla hoja hiyo haijamfikia mhusika.

Hapa kinacholengwa ni kuifikisha hoja ya nwananchi kwa mhusika kwa njia ambayo mtu mwingine hataweza kuingilia kati mawasiliano baina ya mtuyma hoja na mlengwa ambaye ndiye anatakiwa kutoa jibu la hoja, kero au maoni ya mwananchi.

Tovuti iliyo wazi kwa kila mtu kufungua ni Tovuti ya Taifa ambapo unaweza kufungua na kusoma yaliyomo kama ulivyofanya kwenye Blog hii. Tovuti ya Wananchi ni daraja kati ya Mwananchi na Serikali yake. Haimzuii Mbunge kuwasilisha hoja ya mwananchi wake Bungeni. Zipo hoja binfsi na kila mmoja ana haki ya kufikisha kero yake panapohusika.

KWA MAELEZO ZAIDI FIKA OFISI YA IDARA YA HABARI – MAELEZO - ILI UELIMISHWE ZAIDI JINSI HUDUMA HII INAVYOTOLEWA BADALA YA KUIPAKA MATOPE SERIKALI KWA HILI

MAELEZO