KARAMU YA IFTAAR YA WATANZANIA UAE

Consul General wa Tanzania katika Dubai na Emirate za Kaskazini Bw. Ali Ahmed Saleh akiwa na baadhi ya waliohudhuria wakiwa katika kufuturu.
Mahanjumati na mambo mengine. Ila uji wa pilipili manga baadaye..

Consul General wa Tanzania katika Dubai na Emirate za Kaskazini Bw. Ali Ahmed Saleh wa pili kulia akiwa pamoja baadhi ya Masheikh waliohudhuria karamu. Sheikh Muhidin Abdulraham wa kwanza kushoto, Sharif Hussein Badawi wa pili kushoto na Sheikh Twalib wa kwanza kulia ambaye ni Imam wa Msikiti Maamur uliopo Upanga Dar es Salaam.

Consul General wa Tanzania katika Dubai na Emirate za Kaskazini Bw. Ali Ahmed Saleh akifungua kikaratasi chenye jina la mshindi wa tiketi baada ya kikaratasi hicho kuchaguliwa na moja ya mabinti waliokuwapo kwenye karamu hiyo.

Nderemo na vifijo baada ya kupatikana mshindi wa tombola

Mwenyekiti wa Jumuiya ya Watanzania UAE Arch. Mohammed Shariff, kulia akipokea kasha lenye vikaratasi vya tombola toka kwa Ofisa wa Kenya Airways tayari kwa ajili ya kumpata mshindi wa tiketi ya Dubai – Dar – Dubai.

Consul General wa Tanzania katika Dubai na Emirate za Kaskazini Bw. Ali Ahmed Saleh kushoto, Mwenyekiti wa Jumuiya ya Watanzania UAE Arch. Mohammed Shariff na Naibu Katibu wa Jumuiya Eng. Issa Majid Maggidi wakiwa kwenye bango la shirka la ndege la watani wa jadi KQ.

Jana tarehe 4 Septemba 2009 Jumuiya ya Watanzania UAE ilifanya karamu ya kufuturu pamoja Watanzania wanaoishi, kufanyakazi na waliokuwa matembezini UAE.

Watanzania toka Emirates za Abu Dhabi, Ajman, Dubai, Sharjah, Ras Al Khaimah na Umm Al Quwain walijumuika kwenye kwenye karamu hiyo iliyofanyika Ofisi za Ubalozi Mdogo uliopo Dubai.

Pamoja na mahunjumati ya kumwaga pia kulikuwepo na tombola ya tiketi ya ndege ya Dubai – Dar – Dubai iliyotolewa kwa hisani kubwa ya shirika la ndege la watani wa jadi Kenya Airways ambao walishiriki kwenye udhamini wa karamu hiyo.

Mshindi wa tiketi hiyo alikuwa Bibi Naima R. Nassor.