SHUKURANI

JULIET SHANGWE MBEYELA

(Alizaliwa 1977—Alifariki 2009)

Kwa niaba ya familia ya Zakaria Maftah na ya Elizabeth Mbeyela, naomba tutoe shukrani zetu za dhati kwa ndugu, marafiki, majirani na wote waliojitokeza kutufariji na kujitoa kwa hali na mali wakati tulipofikwa na msiba wa kufiwa na binti yetu mpendwa

JULIETH SHANGWE MBEYELA.

Kifo chake kilisababishwa na ajali ya magari iliyotokea huko Muscat nchini Oman, tarehe 31 Desemba 2009. Si rahisi kuwashukuru wote kwa kuwataja majina lakini itoshe kueleza kuwa tunatambua moyo wenu wa upendo mliotuonyesha tangu tulipopata taarifa ya kifo hadi siku ya maziko tarehe 08 Januari 2010 yaliyofanyika Kinondoni.

Aidha shukrani za pekee ziwaendee wafuatao:
• Mheshimiwa Hussein S. Khatib, Balozi wa Tanzania nchini Oman,
• Ndugu Saidi Shwaibu Mussa Minister Counsellor
• Ndugu Abdallah A. Kilima First Secretary and Head of Chancery
• Na watumishi wa Ubalozi na familia zao.

Msaada ambao Ubalozi ulitupatia wakati tulipokwenda Muscat kuuchukua mwili wa marehemu Julieth ulikuwa wa thamani kubwa. Ubalozi huo ulijitoa kutusaidia kupitia katika hatua zote mpaka kuusafirisha mwili na sisi kurudi nyumbani Tanzania. Msaada huo ulitufariji sana. Hatuna maelezo ya ziada ila kuwashukuru. Asanteni sana na ni Mwenyezi Mungu peke yake ndiye atakayewalipa mema hayo.

Shukrani nyingine ziwaendee menejimenti na watumishi wa Oman Air kwa kuwa karibu na sisi wakati wote wa msiba na kuyarahisisha makazi na maisha yetu siku zote tulipokuwa Muscat.

Wengine ni Watanzania wanaoishi nchini Oman pamoja na wananchi wa Oman ambao wana asili ya Tanzania. Tunawaambia nyinyi nyote shukrani jazira na Mola inshallah atawajaza yaliyo mema kwa wingi unaostahili.

Aidha tunaushukuru uongozi na watumishi wa Ofisi ya World Health Organisation Tanzania, kwa msaada mliotupatia wakati wa maziko ya mpendwa wetu Julieth. Shukrani hizi pia ziwaendee watumishi wa Air Tanzania.

Pia tunawashukuru washirika wa Kanisa la Kiinjili la Kilutheri la Muhimbili chini ya uongozi wa Mchungaji Monica Lugome na Mwinjilisti Raheli Mbisa kwa sala na dua zao ambazo zilitutia nguvu kabla na siku ile ya maziko.

Sisi tulimpenda sana Julieth lakini

Mwenyezi Mungu amempenda zaidi,

Jina la Bwana lihimidiwe

Amen

Imetolewa kwenye Blog ya Michuzi na Patrick Tsere