utovu wa staha na weledi hotelini beachcomber

choo cha haja kubwa na ndogo hoteli ya beachcomber jijini dar

Ankal habari za sikukuu ya mapinduzi,

Wikiendi iliyopita nilitembelea hoteli hii ya beachcomber iliyo katika ncha ya ufukwe wa kaskazini wa jiji la Dar na kujikutia maajabu ya mwaka. Choo cha hoteli hiyo hakina 'privacy'hata kidogo kati ya wanaoenda SMALL NEED na BIG NEED.

Yaani vyoo vyote viko pamoja, hivyo ukiingia kupiga nanihii kubwa halafu akaja anayepiga nanihiiliu ndogo wote mnatazamana. Ama kwa kutaka staha inabidi ufunge mlango wa kuingilia sehemu hiyo kabisa. na hapo sijatamka jinsi vyoo vya kinababa na kinamama vilivyo ana kwa ana. yaani staha hamna kabisa. Kuuliza nikaambiwa hayo ndiyo mapigo ya hapo. Hapa siju ni jukumu la mabwana afya ama watoa leseni. Wadau nisaidieni ila hii ni kali!

Jengine nililoliona ni huduma mbovu katika hoteli hiyo ambapo mabosi wa kidosi wananyanyasa sio wafanyakazi tu bali hata wateja. Nimejionea bosi mmoja wa kidosi akibishana kwa ujeuri na sauti ya juu na mteja ambaye aliomba muziki kuburudisha wageni toka nchi mbalmbali za afrika waliofkia hapo ambao waliomba wawekewe muziki unaoendana na nchi zao, na sauti iwe ya chini, wakati wanajipatia mlo wa jioni.

Bosi huyo wa kidosi akaja juu na kudai hana muziki anaohitaji na kama vipi alete yeye (mteja) kama anao. Tatizo halikuwa kuwapo ama kutokuwapo kwa muziki huo bali ujeuri wa huyo bosi wa kidosi ambaye alionesha wazi kudharau wateja wake hata akadiriki kusema muziki wenyewe nimewapa bure mnataka kusema nini sasa?

Mmoja wa wageni, ambaye alikereka na muziki huo, akainuka na kwenda kuuzima kabisa. Hebu fikiria, mgeni mwenyewe alikuwa balozi mzima toka nchi jirani!

Mdosi hakuonesha kujali na wala hakuwataka radhi wateja wake. Hii nimeileta baada ya kuona lawama nyingi kwenye mahoteli zinaelekezwa kwa wamatumbi kuwa hawana weledi. huyo mdosi tumwiteje?? Ni kipi hasa kinachompa kiburi huyo bosi wa kidosi???

Hapa sio bure, iko namna na wenye kuhusika mnaombwa mchunguze maana hata wafanyakazi wamatumbi, ambao wanachapa mzigo kwa weledi wa hali ya juu, walipohojiwa waliogopa hata kunong'ona kwa woga kuhusu huo ujeuri wa mabosi na mambo ya chooni (sijui wa nini). Mie nahisi kuna njama za kuipakazia Tanzania katika mambo ya kuhudumia wageni, na si ajabu huyo bosi wa kidosi ni mmoja wa maajenti wa hilo.

Iko haja Watanzania tukaamka sasa na kumaizi hilo na katu tusiruhusu vioja vya aina hii vya kuharibu sifa za nchi yetu viendelee, wakati wenyewe wanajificha nyuma ya pazia la ooohh 'Watanzania hawana weledi kwenye huduma' ambazo pamoja na udhaifu sehemu na sehemu lakini si kweli kwamba wote tumeoza. Mfano hai ni huo

Mdau wa Beachcomber, Dar