NEWS ALERT: Ramadhani Nasibu anyakua tena kiti chake cha makamu wa Rais TFF

Ramadhani Nasibu akionekana mtu mwenye furaha usiku huu katika hoteli ya Travertine alikokwenda kuwashukuru wajumbe wa mkutano mkuu wa TFF waliofikia hapo, baada ya ngwe nzito ya kinyang'anyiro cha Umakamu wa Urais wa TFF jana ambapo alimshinda John Nchimbi.
Ramadhani Nasibu akipongezwa usiku huu

Makamu wa Pili wa Rais wa TFF akipiga stori na mashabiki wake usiku huu

Ramadhani Nasibu (kulia) akiwa na Jamal Malinzi wakati wa uchaguzi mkuu wa TFF uliopita ambapo Malinzi alikuwa anagombea urais na Sir Leodegar Chilla Tenga na Nasibu Umakamu wa Pili wa Urais. Malinzi alishindwa na Nasibu alipeta. Tenga alifanikiwa kunyakua kiti cha Urais nwa TFF na anapeta hadi leo.

Mgombea Ramadhani Nasibu leo amekibeba tena kiti cha Makamu wa Pili wa Rais wa Shirikisho la Soka Tanzania (TFF) baada ya kushinda katika uchaguzi mkuu wa nafasi hiyo iliyokuwa inagombewa pia John Nchimbi. Kapata kura 54 dhidi ya 47 alizopata mpinzani wake.

Nafasi ya mjumbe wa Kamati ya Utendaji Nyanda za Juu Kusini imenyakuliwa na Bras Kiondo aliyepata kura 63, ambapo wagombea wengine Samson Mkisi aliambulia kura 29 na Gwamaka Mwaihojo 9. nafasi hii imejazwa baada ya aliyekuwa akiishikilia Theophil Sikazwe kufariki dunia.

Nasibu kaijaza nafasi ya Makamu wa Pili wa Rais aliyoipoteza baada ya klabu ya Villa Squad ambayo ndiyo iliyomdhamini kuwania nafasi hiyo katika uchaguzi uliopita wa TFF kushuka daraja msimu uliopita .

Kwa mujibu wa Katiba ya Shirikisho hilo, ikitokea timu iliyomdhamini kiongozi inashuka daraja basi nafasi hiyo itajazwa kwenye mkutano unaofuata wa TFF. Safari hii Nasibu alikuja kwa udhamini wa Mtibwa Sugar FC.