Mahojianona Fred Mpendazoe - Mbunge aliyeikacha CCM na kujiunga CCJ!

Mh. Fred Mpendanzoe akitangaza kujiengua CCM na kujiunga na CCJ

Watanzania bado wana maswali juu ya Chama Cha Jamii (CCJ) hasa kama kweli hiki chama kimekuja kuziba pengo la uongozi nchini au ni geresha tu kama ya vyama vingine.

Kabla hata ya kwenda kuomba usajili wa muda tetesi zilishasambaa juu ya ujio wa chama hicho na ndani ya wiki chache tu CCJ kimepata kutangazwa sehemu mbalimbali kwa bure kabisa huku kikivuta mioyo ya wananchi wa kawaida kabisa waliochosha na vyama vya kisiasa vilivyopo ambao kwa muda mrefu wamesubiria kuona matamanio ya Baba wa Taifa kuhusu chama mbadala cha upinzani yakitimia.

Tetesi kubwa ni uwepo wa vigogo nyuma ya CCJ na wapo ambao hawawezi kufanya maamuzi yao wenyewe au kufikiri wenyewe kuhusu CCJ hadi waone kwanza nani ameondoka CCM. Kwa wale ambao wanasubiri wasikie “majina makubwa” yakitoka CCM ndio waamini basi kutoka kwa Bw. Fred Mpendazoe hakuwatoshi. Ni wazi vile vile hata likitoka kundi jingine ndani ya CCM bado wapo watu ambao hawataamini na wataendelea kutafutua ufafanuzi kwanini hao siyo “vigogo” au kwanini kuondoka kwao “ni nafuu kwa CCM”.

Vyovyote vile ilivyo, Watanzania wana haki na sababu ya kuipima CCJ kwa katiba yake, malengo yake, mapendekezo yake ya kushughulikia masuala ya taifa na itikadi yake. Itakuwa ni upungufu wa hekima, na uwezo wa kufikiri kama tutajaribu kukipima CCJ kwa kuangalia nani “anatoka CCM”!

Mtu mwenye hekima atachukua muda kusikiliza kile ambacho uongozi wa CCJ, mashabiki wake, Katiba na watunga sera wake wanasema juu yake na siyo kile ambacho waathirika wa uwepo wa CCJ wanasema juu yake.

Hivyo, mahojiano haya ya kwanza na Mhe. Fred Mpendazoe aliyekuwa Mbunge wa CCM wa kuchaguliwa kwa asilimia 81 (kura 64,000) na ambaye ameamua kuondoka CCM “mapema” yatatupa mwanga wa ni watu gani wako nyuma ya CCJ na kama tunaweza kukubali na kukumbatia uwepo wake katika kuendeleza demokrasia nchini na hasa katika kupatia uongozi “bora” ambao taifa limekuwa likiutamani na kuungojea kwa muda mrefu hasa baada ya kukatishwa tamaa na uongozi ulioingia 2005.

Sikiliza na uamue mwenyewe.
Please click the link below to view it.
http://mwanakijiji.podOmatic.com/entry/2010-04-11T20_50_38-07_00
See you there!
- Mzee

---------------------------------------------

Hii sehemu ya maelezo ya kujinga na CCJ...

nawezekana unasubiri uone vigogo watoke CCM ndio na wewe ufanye uamuzi na inawezekana unasubiri wengine waanze kuleta mabadiliko ili na wewe udandie mbele ya safari; lakini wengine wangependa kuwa sehemu ya mabadiliko wanayoyataka.. hivyo..

Ni namna rahisi yakujiunga na CCJ kwa haraka na kwa wepesi... Kwa kutumia simu yako:

Ingia kwenye "Message"

Andika neno "Sajili" weka nyota (*)
Andika Jina lako kamili kisha weka (*)
Andika Mkoa unaotoka kisha weka (*)
Andika mtaa unaotoka kisha weka (*)

Halafu tuma kwenda namba 15337

Mara moja utapata namba yako ya kadi, na maelekezo jinsi ya kupata kadi yako..

NB: Utakatwa Tsh..500 za ada..