mtoto wa hassan gobbos awania udiwani kivukoni

Ibrahim Hassan Gobbos

Nawajua Mnanijua, Tulichokikosa

Na Tunacho Kihitajia Nakijua.

WAHAPA HAPA…

Baada ya kutafakari kwa kina, kuombwa na walio wengi na kuzungumza na wana-Kivukoni vijana na wazee. Nachukua fursa hii adhimu kuomba kuwa kiunganishi chao kama mgombea nafasi ya Udiwani kata ya Kivukoni kupitia tiketi ya chama cha Mapinduzi CCM.

Nachukuwa fursa hii nikiwa na ari na kiu ya kuleta maendeleo na ubora katika upatikanaji wa huduma na ukuzaji uwezo wa vijana katika kuchangia maendeleo na kudumisha hali ya mwanakivukoni kiuchumi na kijamii.

Kwa kauli hii naomba idhini yenu na kila kura ya mwanakivukoni mwenye kiu na ari ya maendeleo ya kivukoni. Mapenzi yangu ni kuwa kiunganishi na mwakilishi wa kivukoni kuleta yale yanayo kubalika na wote.

Kimsingi Ibrahim Gobos ni Wahapa Hapa, Mwenzenu, Kijana wenu na mwenye kiu ya kuunganisha wote kivitendo kuiletea kivukoni hadhi na maendeleo inayostahili kuwa nayo na kuigwa kama mfano bora.

Ili kuwa mwakilisha na kuwatumikia lazima niwajue na kuwafamu na kutoa mchango wenye kina, kwa hili napenda kusema nina nia ya kweli nawatambua, nawafahamu na nina uwezo wa kuwa kiunganishi na muwakilishi wa kuleta ari mpya na kasi ya maendeleo inayohitajika na wanakivukoni.

Uwezo wangu utakuwa wenye manufaa pale penye ushirikiano na wote ili kuweza kuweka fikra zote ziwe zenye mlengo wa maendeleo kwa kushirikiana nao katika kusukuma mbele guruadumu la maendeleo ya kata yetu ya kivukoni.
SABABU ZA KUGOMBEA
1. Kuwajibika kama raia na mwana CCM kijana ili kutoa mchango wangu wa jumla na kuongeza safu ya vijana katika kuleta maendeleo.

2. Kuleta fursa sawa, bunifu na mpya za maendeleo kupitia uwakilishi wa vijana katika ngazi ya Udiwani katika Kata ya Kivukoni.

3. Kuwa kiungo na kiunganishi muhimu cha maendeleo ya wakazi kivukoni katika sekta zote muhimu.

Kwa kuona Changamoto na fursa zilizopo ndani ya Kata ya Kivukoni hazitumiki au hazitambuliki kwa miaka mingi, kwa hayo imekuwa ni sababu kubwa na msukumo wa dhati kwangu na kwa ridhaa yangu kuomba kuwa diwani wa kata hii ili kutumia kipaji, uwezo na elimu kuishirikisha jamii na wadau mbalimbali kuainisha fursa hizo ili kuondoa kero na kuleta maendeleo na chachu ya kuamsha uwezo na vipaji vya vijana walio wengi na kuwapatia fursa ya kuleta maendeleo na mabadiliko yenye maridhiano na hali halisi ya kivukoni.