mastaa wa yanga na simba waacha katika kikosi cha taifa stazz

Kocha Mkuu wa timu ya Taifa, Jan Poulsen

MASTAA wa Simba na Yanga wameachwa kwenye kikosi cha Mdenmark Jan Poulsen ambacho kitamenyana na Morocco Oktoba 9 kwenye uwanja wa Taifa jijini Dar es Salaam kuwania kufuzu kucheza fainali za mataifa ya Afrika 2012 zitakazoandaliwa na Guinea ya Ikweta na Gabon.

Nyota waliofungashiwa virago na Poulsen kutokana na kiwango duni ni viungo Athumani Iddi'Chuji' kutoka Yanga, Mabeki Salum Kanoni, Juma Jabu, Kelvin Yondani, mshambuliaji Uhuru Seleman, mlinda mlango wa Azam Jackson Chove na Abdi Kassim 'Babi' ambaye ameachwa kutokana na kuwa majeruhi.

Mbali na kuwatema mastaa hao pia amewaongeza wachezaji wapya ambao ni mlinda mlango wa Majimaji Said Mohamed beki wa Simba Haruna Shamte na kiungo Mohamed Banka,Salmin Kiss wa polisi Tanzania na Salum Machaku wa Mtibwa

Poulsem alisema kuwa ni dhairi mchezo dhidi ya Morocco Morocco utakuwa mgumu hivyo anahitaji maandalizi ya kutosha.

"Nimeteua wachezaji hawa kwanza kwa kuangalia mchezaji kuwa fiti kwa asimilia mia moja na hii ndiyo sababu iliyosababisha wengine nimewaacha kwakua ni majeruhi."Mchezo dhidi ya Morocco utakuwa mgumu pengine kuliko ule wa Algeria ni jana tu wachezaji wao wawili wamefunga magoli katika ligi ya mabingwa Ulaya hivyo hatuna budi kujiandaa kikamilifu,"alisisitiza