TANZANIA YAADHIMISHA SIKU YA KUTOTUMIA TUMBAKU DUNIANI WILAYANI BAGAMOYO

Waziri wa Afya na Ustawi wa Jamii Dkt Hadji Mponda akizungumza na wananchi wa wilaya ya Bagamoyo leo wakati wa maadhimisho ya Siku ya kutotumia Tumbaku duniani ambayo kitaifa yamefanyika katika viwanja vya shule ya msingi Majengo Bagamoyo. Pamoja na mambo mengine amesema serikali imeandaa mpango mkakati wa miaka 5 kwa lengo la kudhibiti matumizi bidhaa za tumbaku nchini.

Waziri wa Afya na Ustawi wa Jamii Dkt. Hadji Mponda (kulia) akipata maelezo kutoka kwa Bi. Rutgard Kagaruki mmoja wa wahamasishaji walio katika mapambano dhidi ya matumizi ya bidhaa za tumbaku nchini kutoka asasi ya kiraia inayopiga vita matumizi ya bidhaa za tumbaku nchini (Tanzania Tobacco Control Forum) wakati alipotembelea banda la maonyesho la asasi hiyo wilayani Bagamoyo leo.

Wataalam wa Afya kutoka Hospitali ya Wilaya ya Bagamoyo wakitoa huduma mbalimbali za Afya kwa Wananchi ikiwemo upimaji wa macho leo wakati wa maadhimisho ya Siku ya Kutotumia Tumbaku Duniani ambayo kitaifa yameadhimishwa leo wilayani Bagamoyo yakiongozwa na kauli mbiu isemayo “ MKATABA WA KIMATAIFA WA KUDHIBITI MATUMIZI YA TUMBAKU DUNIANI”
Baadhi ya Raia wa kigeni wakifuatilia matukio mbalimbali wakati wa maadhimisho ya Siku ya kutotumia Tumbaku Duniani ambayo kitaifa imefanyika leo wilayani Bagamoyo.
Wanafunzi kutoka shule ya Msingi Majengo iliyoko wilayani Bagamoyo wakifuatilia jumbe mbalimbali zilizokuwa zikitolewa wakati wa maadhimisho ya Siku ya kutotumia Tumbaku Duniani ambayo kitaifa imefanyika wilayani Bagamoyo.

Wanafunzi wa Chuo cha Sanaa Bagamoyo (TASuBA) wakiwasilisha ujumbe unaopiga vita matumizi ya bidhaa za tumbaku wakati wa maadhimisho ya Siku ya kutotumia tumbaku Duniani leo wilayani Bagamoyo.Picha na Aron Msigwa – MAELEZO.