Updates za kukamatwa kwa Freeman Mbowe

 Wanahabari na baadhi ya wafuasi wa CHADEMA nje ya Sentro

 Wanahabari wakipiga gadi Sentro kutwa nzima kusubiri kitachojiri

Kamanda wa mkoa maalumu wa kipolisi wa Dar es salaam
Afande Suleiman Kova akiongea na wanahabari leo

Mwenyekiti wa CHADEMA Mh. Freeman Mbowe bado yuko mbaroni  na Jeshi la Polisi linasema alikamatwa kwa mujibu wa sheria baada ya hati kutolewa na Mahakama ya Hakimu Mkazi Arusha kutokana na kukiuka masharti ya dhamana yake.

Kamanda wa kanda hiyo Afande Suleiman Kova amesema mahakama inapotoa hati ya kukamatwa mtu yeyote, mahakama hiyohiyo ndiyo inayotakiwa kutoa hati ya mtu huyo kuachiwa huru na siyo polisi wenye mamlaka hayo”.

Kamanda Kova kasema kuwa kwa mujibu wa sheria zilizotungwa na bunge pia mahakama inapotoa hati ya kukamatwa mtu polisi wanatakiwa kutekeleza na hawaruhusiwa kujadili, hivyo baada ya Mbowe kutiwa mbaroni kinachofanyika ni taratibu za kisheria ili kumpeleka Arusha.

Amesisitiza kwa Wnahabari kuwa inapotolewa hati na mahakama ya kumkamata mtu wao polisi hawawezi kuibatilisha hata awe mtu mwenye cheo gani, na kusisitiza kuwa Mh. Mbowe atapelekwa Arusha na jeshi hilo.

“Nimeshazungumza na viongozi mbalimbali wa upinzani akiwemo Mbowe mwenyewe na kuwaeleza kuhusu wajibu wa polisi na kwa hili jeshi la polisi halina lawama yoyote mana tunatekeleza sheria zilizotungwa na bunge”.

Ameongeza pamoja na kwamba Mbowe alijisalimisha mwenyewe polisi, kukamatwa ni kukamatwa tu haijalishi mtuhumiwa alienda mwenyewe au alikamatwa kwa nguvu na polisi, na kwamba kesho asubuhi  atafikishwa mahakamani Arusha chini ya ulinzi wa polisi.