Tatizo la Umeme Kigogo Luhanga

Habari yako Uncle Michuzi,

Tafadhali naomba uniwekee kwenye blogu ya jamii taarifa ya tatizo la umeme katika jamii ya watu wanaoishi Kigogo Luhanga karibu na Shule ya Sekondari Loyola. 

Hadi wakati naandika ujumbe huu eneo husika halina umeme takriban kwa siku sita sasa. Juhudi tulizofanya ni kuwasiliana na Tanesco Magomeni kitengo cha emergency (0784 271461) wakatuambia wanafahamu tatizo letu na kuwa sababu ni hitilafu kwenye transforma katika eneo hili.

 Ingawa wamekiri kufahamu tatizo hili sasa ni siku ya sita halijarekebishwa. 

Tukitambua kuwa blogu ya jamii inasomwa na watu wengi tunaomba uwasilishe tatizo letu tukiamini kuwa tutasikilizwa kupitia njia hii.

Nakutakia Swaumu njema