Bondia Rodgers Mtagwa kujitupa ulingoni leo huko Marekani

Na Mdau Sunday Shomari.

Bondia wa Tanzania anayepigana ngumi za kulipwa Marekani katika uzito wa unyoya Rodgers Mtagwa (pichani) anaingia tena ulingoni kujaribu tena nafasi nyingine ya kutwaa taji la dunia. Rodgers Mtagwa safari hii anakutana na bingwa wa uzito wa unyoya wa WBC Jhonny Gonzalez katika pambano litakalofanyika huko El Paso Texas.

Jhonny mwenye rekodi ya mapambano 49 na kushinda (43 kwa njia ya KO) na kushindwa 7 atapambana na Mtagwa Alhamisi usiku katika ukumbi wa Coliseum huko El Paso Texas , bingwa huyo wa WBC amesema anafahamu fika kuwa Rodgers Mtagwa ni bondia hatari mwenye uwezo wa kuvumilia makonde lakini yuko tayari kupambana na walio bora kwenye uzito wake.

Rodgers Mtagwa mwenye rekodi ya mapambano 27, kushinda 14 (19 kwa njia ya KO) na kushindwa 2 ana bahati au tuseme ana meneja mzuri kupata tena nafasi ya kuwania mkanda wa dunia lakini si hivyo tu alijiwekea jina hapa Marekani baada ya kuonyesha uwezo mkubwa alipopambana kiume na kushindwa kwa pointi katika pambano aliloonekana wazi kuwa ameshinda dhidi ya bingwa wa WBO Juan Manuel Lopez huko Madison Square Garden New York January mwaka jana.

Baada ya hapo alipewa nafasi nyingine pale alipopambana na bingwa wa WBA wa uzito unyoya ambaye kwa sasa anaonekana hana mpinzani Yuriokis Gamboa wa Cuba ambapo Mtagwa alishindwa kwa KO katika raundi ya pili.

Pambano hilo litaonyeshwa LIVE kwenye ESPN 3 saa 2.30 usiku saa za Washington Dc.