SEMINA YA MAAFISA WA SERIKALI KUHUSU USIMAMIZI WA RASILIMALI WATU KATIKA JAMHURI YA WATU WA CHINA

Ofisi ya Rais; Fedha, Uchumi na Mipango ya Maendeleo ikishirikiana na Ubalozi wa Jamhuri ya Watu wa China inaendelea na mpango wake wa kuwapatia mafunzo maafisa wakuu wa Serikali kupitia Ushirikiano wa Kiufundi na Kiuchumi uliotiwa saini kati ya Serikali ya Mapinduzi ya Zanzibar na Serikali ya Jamuhuri ya Watu China.

Mafunzo hayo ni ya awamu ya tatu ambayo yatahusiana na Usimamizi wa Rasilimali Watu (Human Resource Management) ambayo yatawashirikisha Wakurugenzi na baadhi ya Maafisa waandamizi ishirini na nne( 24) kutoka Wizara na Taasisi mbali mbali za Serikali ambao wanasimamia Rasilimali Watu na waandishi wa habari wawili(2).

Aidha, mafunzo hayo yatakua ni ya siku ishirini(20) na washiriki pia watapata fursa ya kutembelea maeneo mbali mbali ikiwemo ‘Beijing Urban Planning Exhibition Centre’ na kufanya majadiliano na ‘Xiangan High-Tech Development Zone’ ya mji wa Xiamen. Washiriki hao wanatarajia kuondoka Nchini siku ya tarehe 16 Sepemba, 2011 na kurudi siku ya tarehe 9 Oktoba, 2011.

Sikina H. Salum,

Afisa Mawasiliano,

Ofisi ya Rais - Fedha, Uchumi na Mipango ya Maendeleo,

Zanzibar.