FAMILIA TANO ZALAZIMIKA KUYAHAMA MAKAZI YAO YA KUDUMU MKOANI ARUSHA

Mery Ayo,arusha

Familia tano zenye watoto zaidi ya ishirini zimelazimika kukimbia makazi yao ya kudumu kwa kipindi cha wiki tano Hadi sasa kwa kuhofia kutembezwa uchi na kupigwa na vijana wa kabila la kimasai”Morani”mara baaada kufanya tohara kwa njia za kisasa sanjari na kuendesha ibada za kupinga maovu yanayoendelea nfdani ya jamii hiyo.

Familia hizo zimelazamika kufanya hivyo kwa kuhofia maisha yao pamoja na maisha ya watoto wao ambapo kundi kubwa la vijana wa kimasai wanawatafuta kwa makosa ya kuharibu na kuvunja mila zao kwa njia ya Sala pamoja na Kufanya tohara Mahospitalini.

Hayo yametokea katika eneo la ujamaa Oljoro Mkoani hapa ambapo kwa muda wa wiki tano familia hizo zimelazimika kukimbia makazi yao kwa kuhofia kutembezwa mitaani Uchi, pamoja na kupigwa kipigo kikali huku baadhi ya waumini wa kanisa la TAG Oljoro Jerusalem wakivunjiwa nyumba zao.

Akiongea na mmoja wa wanafamilia waliolazimika kukimbia nyumba zao kwa hofu ya kutembezwa mitaani Uchi Bw Korduni Wilson,alisema kuwa Morani hao wamekuwa wakifanya vibaya sana kwa kuwa mila wanazozitaka zina madhara sana.

Bw Korduni alieleza kuwa wameamua kufikia uamuzi huo wa kukimbia nyumba zao kwa kuwa wao tayari wameshajua na kufahamu madhara ya kufanya tohara kwa njia ya kienyeji sanjari na kuabudu mila ambazo Morani hao wanazitaka.

“kati ya hizi familia tano nyinginezo hazijakimbia kwa kuwa wamefanya tohara kwa watoto wao bali Morani hao wamekuwa wakidai kuwa wanaharibiwa mambo ya Kimila hasa pale wanaposali kwa maana hiyo wanakataa hata makanisa kwa kuhofia Matambiko, na Mila”aliongeza Bw. Korduni.

Aliongeza kuwa mara baada ya Morani hao kuona kuwa Kanisa linakubali na kusisitiza waumini wake kufanya Tohara kwa njia ya kisasa sanjari na kukataa Mila ambazo zina madhara kwa Mtanzania Morani hao walikataa amri hiyo na kuvunja Kanisa la T.A.G oljoro hali ambayo ilisababisha hasara kubwa sana.

Kwa upande wake Muangalizi wa makanisa ya T.A.G Arusha Oljoro mchungaji Simion Vomo aliwataka viongozi kuanzia ngazi za chini hadi za juu kulinda haki za wananchi kwa kuwa ni wajibu wao.

"Mambo haya yanasikitisha sana kuona sheria ya mila inageuka haki za binadamu na viongozi wa juu wanakuwa tayari wana taarifa za kudhalilishwa kwa watua hawa lakini cha ajabu hatua hazichukuliwi ipasavyo"alisema mchungaji Vomo.

Hata hivyo alisema kuwa wao kama kanisa hawataweza kuwasikiliza Morani hao kwa kuwa madai yao hayana Msingi Kisheria kwani nchi inatakiwa isimamiwe na sheria moja kwani ndio inampa mtu uhuru wa kuabudu popote anapotaka yeye. .

Aliongeza kuwa Kanisa litalazimika kuchukua hatua kali na za kisheria,kwa kuwa Morani hao wanasababisha amani ndani ya miji na Maboma ya wananchi kukosekana hali ambayo kama haitaweza kuchukuliwa tahadhari basi itazaa matatizo makubwa sana katika jamii.