Ratiba ya Mazishi ya Marehemu Aziz S.M. Sheween

Rais Jakaya kikwete, Rais Mstaafu Ali Hassan Mwinyi, Waziri wa Mambo ya Nje na ushirikiano wa Kimataifa Mh Bernard Membe, Katibu Mkuu Kiongozi Mh Ombeni Sefue na waombolezaji wengine wakiwa Mikocheni jijini Dar es salaam jioni hii muda mfupi kabla mwili wa marehemu Aziz Sheween haujasafirishwa kuelekea Moshi kwa maziko

Wizara ya Mambo ya Nje na Ushirikiano wa Kimataifa inatangaza ratiba ya msiba wa aliyekuwa Mkuu wa Utawala wa Ubalozi wa Tanzania Riyadh, Saudi Arabia na Afisa Mambo ya Nje Mkuu wa Wizara Bw. Aziz Sheween.

Mwili wa Marehemu Aziz utawasili Dar es salaam leo tarehe 6/01/2012 Saa Saba Mchana na kupelekwa nyumbani kwake Mikocheni kwa ajili ya Dua na Kumsalia Marehemu.

Sehemu ya waombolezaji

Baada ya Kumsalia Marehemu, msafara wa Mwili wa Marehemu Aziz utaelekea Viwanja vya Ndege vya Mwl. J.K. Nyerere kwa ajili ya safari ya kuelekea Moshi, Kilimanjaro kwa mazishi.

Marehemu Aziz Sheween anatarajiwa kuzikwa kesho tarehe 7/01/2012 baada ya Sala ya Adhuhuri Moshi Mkoani Kilimanjaro.

Swala kabla ya kuanza safari

Kwa niaba ya Uongozi na Wafanyakazi wote wa Wizara ya Mambo ya Nje na Ushirikiano wa Kimataifa, Katibu Mkuu wa Wizara Bw. John Haule anatoa pole kwa familia, ndugu, jamaa, marafiki na wote walioguswa na msiba huo.

 Imetolewa na:

Kitengo cha Mawasiliano ya Serikali,

Wizara ya Mambo ya Nje na Ushirikiano wa Kimataifa,

P.O. Box 9000

Dar Es Salaam

Tanzania

www.foreign.go.tz

www.foreigntanzania.blogspot.com