DR TUNGARAZA ATEULIWA KUWA BALOZI WA HIYARI

 Waziri wa Maliasili na Utalii, Mhe. Ezekiel Maige amemteua Dr. Casta Tungaraza (pichani) kuwa Balozi wa  Hiyari wa Utalii katika Nchi ya Australia kuanzia tarehe 23.3.2012.

Akiwaandikia viongozi wa Jumuia  ya Watanzania (Western Australia), Balozi wa Tanzania nchini Japani anayesimamia pia Australia, Mhe. Salome T. Sijaona alionyesha furaha yake na kumtakia balozi huyu mpya mafanikio katika kuitangaza Tanzania katika nyanja za utalii.

Dr Tungaraza hivi majuzi tu aliingizwa katika Hall of Fame ya wanawake huko Australia na pia kupewa Nishani ya Uwanaharakati katika Jamii huko huko Australia.