shukurani

Familia ya Marehemu Mzee Robert Jaka wa Forest Hill - Morogoro, inapenda kutoa shukrani za dhati kwa ndugu, jamaa na marafiki wote walioshiriki kwa namna moja au nyingine katika kumuuguza na hatimaye katika kuifariji familia wakati wa msiba wa mpendwa wao Mzee Robert Jaka, aliyefariki tarehe Jumapili ya tarehe 22.01.2012 na kuzikwa Jumatano ya tarehe 25.01.2012 katika makaburi ya Kola-Morogoro.

Ni vigumu kutaja mtu mmoja kuwa ndiye aliyekuwa na msaada zaidi, na kwa kuwa si rahisi kuwataja wote ila  kama familia hatuna budi kutoa shukrani zetu  kwa Madaktari na wauguzi wote wa hospitali za Mkoa Morogoro na Regency ya jijini Dar-es-salaam. 

Pia tunawashukuru Magereza Makao Makuu, Chuo Kikuu cha Dar-es-saalam, Wamiliki wa blog mbali mbali kwa msaada wao wa hali na mali.

Shukrani za pekee pia ziuendee uongozi wa kanisa  katoliki parokia ya Mtoni Kijichi-Dar-es-salaam na  Mtakatifu Patrick Morogoro kwa msaada wa kiroho.

Tunaomba wote mzipokee shukrani zetu hizi za dhati na kwamba Bwana awabariki kwa moyo mliounyesha kwa familia.

Tunapenda kuwakaribisha wote kwenye mkesha maalum wa kuyaenzi maisha ya mzee wetu na mkesha wa msalaba utakuwa tarehe 13.04.2012 kuamkia tarehe 14.04.2012 (Jumamosi) ambayo itakuwa ni siku ya msalaba wenyewe.

Bwana ametoa na bwana ametwaa jina lake lihimidiwe 

[Ayub. 1:21]