TISHIO LA TSUNAMI LAPITA, WAKAZI WA DAR WAHAHA NA MAFURIKO

 Steve Annu, mpiga picha mpya wa Globu ya Jamii, amekamata taswira kadhaa jioni hii kuionesha jinsi mvua kubwa iliyonyesha toka milango ya saa tisa hivi iliyoleta mafuriko sehemu mbalimbali ambazo mitaro yake ina kwikwi. 

Taswira hizi ni za Mikocheni kati ya Tanesco na Shoppers Plaza ambako pamekuwa kero kutokana na mitaro yake kutofanyiwa kazi miaka nenda miaka rudi. Wakati huo huo tishio la Tsunami ambalo lilileta wasiwasi kwa wakazi wengi wa jiji la Dar na kwingineko limeinuliwa baada ya tetemeko kubwa huko Indonesia. 

Tamko rasmi la Idara ya Hali ya Hewa Tanzania limetolewa Bungeni Dodoma muda mfupi uliopita kuthibitisha kwamba hali imeanza kutengamaa baada ya tishio hilo kupita, na kutoa rai kwamba vyombo vya usafiri majini hususan katika Bahari ya Hindi wasubiri  hadi kesho asubuhi  kabla ya kuendelea na shughuli zao, na kwamba hakuna habari za madhara ya watu ama mali zao hapa nchini. Globu ya Jamii inafuatilia kwa karibu swala hili

 Maji kila mahali

 Tutafika tu kwa Kudra zake Mola

 Hii sasa balaa

 Moka zikivaliwa baada ya kuvuliwa kutokana na mvua

 Kufa kufaana

 Balaa

 Mafuriko

 Twende mbele...

 Bora kufika salama

 Leo kazi ipo

Hii adha hapa Mikocheni itaisha lini toba....