Hospitali ya Igogwe ya Kiwila wilayani Rungwe mkoa wa mbeya kusherehekea jubilei ya almasi mwaka huu

Moja ya hospitali kongwe yenye huduma ya kusifika ya mkoani Mbeya, Hospitali ya Igogwe, itaadhimisha Jubilei ya Almasi (a.k.a  Diamond Jubilee, yaani miaka  50)  toka ianzishwe- tarehe 18 Oktoba 2012.  Kamati  hii ya maandalizi ya maadhimisho hayo (pichani) ilikutana jana kwa mara ya kwanza kwenye ukumbi wa mikutano hospitalini hapo wilayani Rungwe.

Kamati hiyo iliyojumuisha wadau mbalimbali iliazimia kuchangisha fedha miongoni mwa wajumbe wake, baada ya hospitali na wafanyakazi wake kuchangia jumla ya shilingi milioni saba, na vile vile ilidhamiria kuwashirikisha wadau wa maendeleo wengine katika kufanikisha shughuli mbali mbali za Jubilei hiyo. Wasomaji wa Michuzi Blog ni miongoni wa wadau wa kwanza kabisa kuhabarishwa kuhusu maadhimisho haya na kuhamasishwa kupitia taarifa hii kushiriki kwa hali na mali. Taarifa zaidi zitaendelea kutolewa kupitia blogu hii  na vyombo vingine vya habari siku za usoni.

Kamati hiyo ilikutana chini ya mwenyekiti wake Fakilly M Haule. Viongozi wengine wa kamati hii ni Japhet M Kalindu (katibu), Freddy Katoto (mhasibu) Isaac Mtwanga (makamu mwenyekiti) na Faraja Mwalwega (Katibu Msaidizi).

Hospitali hii inamilikiwa na Kanisa Katoliki Tanzania na kutoa huduma kwa Watanzania wote na inawashirikisha wadau mbalimabli katika maendeleo yake.