BREAKING NYUUZZZZZZZ........: Vurugu lazuka huko Mji Mwema,Kigamboni mchana huu

Purukushani na vurugu vimeumuka leo katika mji wa Kigamboni eneo la Kisota baada ya   wananchi wanaojishughulisha na uchimbaji kokoto kuzuiliwa na Serikali kuendelea na shughuli hiyo.

Wananchi waliokuwa na ghadhabu walifunga barabra kwa mawe na kuwasha matairi barabarani kama inavyoonekana pichani. Inaripotiwa askari wa kuzuia fujo, FFU, walikuwa katika eneo husika ili kutuliza ghasia na kurejesha usalama wa raia na mali zao.

(picha via ukurasa wa facebook wa Dkt. Mkunde Mlay)

Askari wa Kikosi cha Kutuliza ghasia (FFU), wakiwa wameweka doria katika barabara kuu ya kutoka Kigamboni kwenda Mji Mwema Dar es Salaam leo, baada ya kudhibiti vurugu za wachimba kokoto wa eneo la Maweni ambao walifunga barabara hiyo kwa mawe kwa zaidi ya masaa natatu na kuchoma matairi wakishinikiza kuruhusiwa kuchimba kokoto. (picha: RICHARD MWAIKENDA)

Baadhi ya mawe yaliyoondolewa barabarani baada ya kuwekwa na wachimba kokoto eneo la Maweni, Kigamboni. Watu kadhaa wanaotuhumiwa kufanya vurugu hizo wametiwa mbaroni. 

Taarifa iliyoifikia Globu ya Jamii hivi punde,inahabarisha kuwa vurugu kubwa limezuka muda huu huko Kigamboni maeneo ya Mji Mwema kutokana na kile kinachodaiwa kuzuiliwa kwa baadhi ya wakazi wa huko kuchimba kokoto katika sehemu ambayo imekatazwa na Serikali.

Askari wa Jeshi la polisi wamefika katika eneo hilo kuhakikisha hali inarejea kuwa shwari,lakini wananchi hao hawataki kutii amri hiyo na kuendelea kuwarushia mawe Askari hao na kufunga barabara kwa kupanga mawe makubwa,hali ambayo imehatarisha usalama wa watu wengine.