TATIZO LA RIBA YA (LIBOR) LINACHUKUA MKONDO MWENGINE

London Interbank Offered Rate (LIBOR) ni makadirio ya kiwango cha riba kinachotumika wakati benki zinapokopeshana pesa. Kiwango hicho cha riba kinatumiwa na mabenki yanapokopeshana kwa kulipa mikopo ya muda mfupi na muda mrefu (siku moja, mwezi hadi mwaka) Kiwango hicho kinawekwa na British Bankers’ Association (BBA) kila siku saa tano asubuhi kwa time za Uingereza.

Tatizo la riba ya LIBOR na ambalo lilipelekea mwenyekiti wa Barclays, Marcus na (Chief executive) wa Barclays Bob Diamond nchini Uingereza kujiuzulu Jumatatu ya tarehehe 2/07/2012, limechukua mkondo mwengine. Ofisi inayoshughulika na maswala ya ufisadi mkubwa inayojulikana kama The Serious Fraud Office (SFO) imewakamata watu watatu kama hatua ya uchunguzi kwa sababu ya kuhusika kwao na ufisadi huo. Ripoti hiyo ilieleza kwamba watu watatu wote wakiwa raia wa Uingereza wenye umri wa miaka 33, 41 na 47 wamekamatwa na wamefikishwa kituo cha polisi ktk jiji la London kwa ajili ya mahojiano kwa madai kwamba walidanganya wakati wa kutoa makadirio ya kiwango cha riba.

LIBOR inaathiri makadirio ya zaidi ya pound 350 trillion ya matumizi ya pesa ulimwengu mzima, na kiwango kinachotaja na LIBOR kina ushawishi mkubwa duniani ktk matumizi mengi ya kifedha ikiwemo mikopo. Taasisi karibu 16 za kiuchumi ulimwenguni zinachunguzwa kuhusiana na madai hayo. Kwa upande mwengine Royal Bank of Scotland inategemewa kutangaza jinsi itakavyolimaliza tatizo hilo wakati benk kubwa ya nchini Swiss, Union Bank of Switzerland (UBS) inategemewa kufikia makubaliano ya kumaliza tatizo hilo.

Kuhusu swala la LIBOR na mengineyo yanayohusu benki zinazofuata sheria ya kiislam, wasiliana na  http://ijuebankyakiislam.blogspot.com