Kinyang'anyiro cha Urais Kenya, Ngoma bado nzito, Mudavadi akubali matokeo

Raila Odinga na Uhuru Kenyatta wanazidi kushikana makoo katika kinyang'anyiro cha Urais wa Kenya, ambapo hadi saa nne na dakika 35 ni mjimbo 78 tu kati ya 222 yaliyokuwa yansubiriwa. Mshindi hapo lazima apate asilimia zaidi ya 50 ya kura zote. Vile vile mshindi lazima apate asilimia 25 ya kura katika mjimbo yote 47

Kuna kila dalili kwamba hadi leo jioni mshindi atajulikana na kwa jinsi mwenendo wa matokeo ya  kura katika majimbo kibao unavyokwenda, mbio za kuelekea kwenye mstari wa mwisho yeyote kati yao anaweza kushinda.

Saa 4:35 Matokeo jimbo la Jomvu: Kiyiapi 60, Karua 103, Dida 196 Mudavadi 572, Muite 18, Kenneth 285, Odinga 23,221, Kenyatta 7,332

Saa 4:30 Kisauni: Kiyiapi 106, Karua 175, Dida 395 Mudavadi 757, Muite 34, Kenneth 532, Odinga 39,096, Kenyatta 10,894

Saa 4:28  Mvita: Kiyiapi 63, Karua 107, Dida 4,177 Mudavadi 647, Muite 35, Kenneth 1,067, Odinga 34,992, Kenyatta 17,575

Saa 4:23 Mavoko: Kiyiapi 127, Karua 170, Dida 59, Mudavadi 606, Muite 54, Kenneth 547, Odinga 42,285, Kenyatta 15,109.

Hadi hivi sasa msimamo ni kwamba
Uhuru Kenyatta ana 4,812,981
Raila Odinga ana 4,217,845

Wakati huo huo, mgombea wa Chama cha Musalia Mudavadi sasa hivi ameongea na wanahabari na kukubali matokeo kwamba hana matumaini tena ya kushinda na kawatakia heri Uhuru Kenyatta na Raila Odinga wanaoongoza na kupelekana puta katika dakika hii ya majeruhi. Pia ameweka wazi kwamba yuko tayari kufanya kazi na yeyoye atayeshinda