uchambuzi Mahmoud Zubeiry wa ligi kuu ya vodacom

AZAM FC imezidi kujitanua kileleni mwa Ligi Kuu ya Vodacom Tanzania Bara kufuatia ushindi wa mabao 2-1 dhidi ya Simba SC jana katika uwanja wa Taifa jijini Dar es salaam  ikitoka nyuma kwa bao 1-0.

Shujaa wa Azam alikuwa ni mshambuliaji kutoka Ivory Coast na mfungaji bora wa Ligi Kuu msimu uliopita, Kipre Herman Tchetche (pichani kushoto) aliyefunga mabao yote ya timu hiyo ya Alhaj Sheikh Said Salim Awadh Bakhresa.

Kwa matokeo hayo, Azam inatimiza pointi 23 na kujinafasi kileleni, ikiwazidi kwa pointi tatu Simba SC na Mbeya City katika nafasi ya pili.

Katika mchezo huo uliochezeshwa na refa Oden Mbaga aliyesaidiwa na Hamisi Chang’walu na John Kanyenye wote wote wa Dar es Salaam, hadi mapumziko timu hizo zilikuwa zimefungana bao 1-1. 

Simba SC ndiyo waliokuwa wa kwanza kupata bao dakika ya 21 kupitia kwa Ramadhani Singano ‘Messi’ aliyemalizia mpira ulioingizwa kutoka pembeni na Zahor Pazi.

Kupata uchambuzi wote BOFYA HAPA