yale yaleeee......

Salamaleko Ankal na timu yako nzima ya Globu ya Jamii,

Naomba unisaidie kushea na Wadau Dukuduku langu hili,nililokumbana nalo leo baada ya kutoka duka la dawa Maeneo ya msikiti wa Wangazija na hospitali ya Hindu Mandal baada ya kukuta kukuta gari langu limetiwa pingu kama. 

Tukio hilo limetokea mapeka leo pale nilipoegesha gari nje ya duka hilo na kuingia ndani kwa ajili ya kununua dawa baada ya Krismas nzima kuwa mahututi kwa mguu kuvimba,niliegesha gari katika eneo wazi ambapo hakuna kibao chochote kinachoonyesha ishara ya HAKUNA KUPAKI GARI HAPA na mbele niliona kuna gari la serikali limepaki hapo nami nikapaki nyuma yake.

 Lakini cha kushangaza kama si kustaajabisha,ni pale nilipotoka dukani na kukuta gari langu limefungwa na na kukutana na Vijana wa Tambaza Auction Mart wakinitaka nilipe faini ya laki moja. 

Nilipowauliza kuwa mbona hakuna kibao cha No Parking na hajanizuia wakati naegesha gari na huku mkiniona wakati naingia pharmacy tena kwa kuchechemea, vijana hao hakutaka kuelewa somo lolote zaidi ya kuniambia niende Anatoglo nikalipe faini halafu nije kuchukua gari langu. 

Kiukweli haki haitendeki juu ya swala hili linaloendelea hapa mjini,maana imekuwa kama ni mradi wa mtu wa kutafuta hela kwa nguvu,maana haiwezekani sehemu haina alama yeyote na watu wanakuona hawaji kukutaarfu kuwa sehemu hii haipaswi kuegeshwa gari na labda kaegeshe eneo lile,lakini hawa jamaa wanakutegea umeegesha halafu na wao wanakuja na machuma yao na kufunga gari.

Kitu cha pili kwa akili ya kawaida tu mtu anaonekana ni mgonjwa na hawezi kutembea na hajazuia mtu hamwezi mkatoa ushauri? 

Halmashauri ya Ilala mnapaswa kufanya utaratibu mzuri wa kuwafanya hao Tambaza Auction wakusanye hela na watoe uthibitisho kama wafanyavyo polisi . Hii kwenda hadi Anatoglo kulipa faini kisha ndio urudi kuchukua gari lao ni sawa na ucheleweshwaji unaofanywa na STRABAG Ubungo. 

Meya wa Ilala Jerry Silaa angalia usumbufu huu unapoteza masaa mengi ya uzalishaji.

Mdau aliekumbwa na Mkasa.