Kampeni ya "Najiamini Naweza" Ya Mitandao Ya Jamii

Napenda kukutambulisha juhudi yetu mpya inayoitwa “Najiamini Naweza” - ambayo ni matokeo ya ushirikiano kati ya Maanisha! Limited (http://www.maanisha.co.tz/) na Hivos Twaweza (http://www.twaweza.org/).  
Kampeni hii imelenga kuonyesha harakati za kila siku za maisha ya Watanzania.  Kampeni inahamasisha wananchi kutambua uwezo na wajibu walio nao katika kutafuta suluhu za kero/changamoto wanazokumbana nazo. Tunafahamu kwamba mabadiliko huanza na mtu mmoja na pia jinsi huyo mmoja anavyoweza kuwapa hamasa wengine waige.

Mahojiano ya “Najiamini Naweza” yalifanyika kwa kipindi cha miezi 4 - yakijumuisha wananchi wa Dar es salaam na Morogoro. Mafanikio ya kampeni hii yatatusaidia kufikia wananchi wengi na kufanya sauti zao zisikike maeneo mengine hapa Tanzania. Video zote zinapatikana katika ukurasa wetu wa Youtube: https://www.youtube.com/user/MaanishaTV . Tanzania bora inajengwa na sisi.