Bodi ya Filamu yawaasa Wananchi kutembelea bodi hiyo katika tamasha la Jamafest

Kaimu Katibu Mtendaji wa Bodi ya Filamu nchini Dkt. Kiagho Kilonzo akizungumza na waandishi habari katika maonesho ya Tamasha la Utamduni wa Juimuiya ya Afrika Mashariki (Jamafest)linalofanyika katika uwanja wa Taifa jijini Dar es Salaam.

Na Chalila Kibuda,Globu ya Jamii 

Kaimu Katibu Mtendaji wa Bodi ya Filamu Nchini  Dkt.Kiagho Kilonzo ameutaka umma wa watanzania kutembelea bodi ya Filamu katika tamasha la Utamaduni wa Jumuiya ya Afrika Mashariki  (Jamafest) katika kujionea shughuli mbalimbali zinazofanywa na bodi hiyo.

Kaimu Katibu Mtendaji Dkt.Kilonzo ameyasema hayo wakati akizungumza na waandishi habari katika maonesho hayo na kuwaasa watanzania kutumia chombo hicho katika kukuza sanaa ya filamu nchini kwa kuleta maendeleo.

Amesema kuwa katika maonesho hayo wataona vitu mbalimbali ambavyo vimefanywa na watanzania  kwa kutengeneza filamu ambazo zina maadili na pale ambapo wanaona filamu zilizozalishwa hazina maadili wanachukua hatua kuhakikisha hazionyeshwi.

Dkt. Kilonzo amesema kuwa maonesho hayo ni fursa kwa Tanzania na kuona namna ya nchi wanachama wengine  wanavyofanya utamduni wao  huku  wakijifunza utamduni wetu.

"Natarajia wataopita katika banda la bodi ya filamu watajifunza vitu vingi ambavyo vitawasaidia kuingia katika sekta ya filamu na kuweza kuzalisha ajira zao pamoja na taifa kupata maendeleo katika sekta hiyo"amesema Dkt. Kilonzo.