BAADA YA KUTEULIWA ULEGA ACHUKUA FOMU KUGOMBEA JIMBO LA MKURANGA

 Mkurugenzi Mtendaji wa Halmashauri ya wilaya ya Mkuranga, Msham Munde (kushoto) ambaye pia ni Msimamizi wa uchaguzi jimbo la Mkuranga akimkabidhi fomu Mgombea ubunge wa jimbo hilo kwa tiketi ya Chama cha Mapinduzu Mapinduzu ,Abdallah ulega Agosti 21, 2020.

 Bw. Abdallah Ulega(kushoto)akisaini wakati wa kuchukua fomu leo.

 Mgombea Ubunge aliyeteuliwa na chama cha mapinduzi jimbo la Mkuranga mkoa wa Pwani,Abdullah Ulega akizungumza na wanachama wa chama Mapinduzi Baada ya kuchukuwa fomu ya kugombea ubunge leo Agosti 21,2020.(Picha na Emmanuel Massaka wa Michuzi Tv)

MGOMBEA Ubunge aliyeteuliwa na Chama cha Mapinduzi Jimbo la Mkuranga Abdalah Hamisi Ulega amechukua fomu ya kugombea nafasi hiyo leo katika ofisi ya msimamizi wa uchaguzi wilayani  Mkuranga mkoani pwani.

Akizungumza na wandishi wa habari mara baada ya kukabidhiwa fomu hiyo ulega amekishukuru chama cha mapinduzi kwa kumteua  kupeperusha bendera ya chama hicho katika  nafasi hiyo.

Amesema walikuwa Wana CCM wengi katika mchakato wa ndani ya chama ili kumpata mmoja hivyo kwasasa wote wanaongea lugha moja ambayo ni ushindi wa chama pekee na kuwasihi wana Ccm wote kuunganisha nguvu zao ili kutafuta ushindi wa kishindo

Hata hivyo amesisitiza kuwa  huo ni mchakato wa kidemokrasi na baaada ya kipenga na kampeni kuanza  atafika katika vijiji vyote vya mkuranga kuomba ridhaa ya kukichagua chama cha mapinduzi .

Katika safari hiyo ameongozana na viongozi mbali mbali wa chama akiwemo  Ally Msikami mwenyekiti na Rukia Mbasha katibu wa chama wilaya.