AJALI YA GARI YAUA WAANDISHI WATANO MWANZA WALIOKUWA KATIKA MSAFARA WA MKUU WA MKOA

Gari walilokuwa waandishi wahabari leo Januari 11, 2022 katika ziara ya Mkuu wa Mkoa wa Mwanza.

Na Mwandishi Wetu,Michuzi TV

WAANDISHI wa habari watano kutoka mbalimbali vya habari nchini wamefariki dunia baada ya gari waliyokuwa wakisafiria kupata ajali mkoani Mwanza.

Waandishi hao ambao wameripotiwa kufariki dunia ni Abel Ngapemba ambaye ni Ofisa Habari Mkoa wa Mwanza, Johari Shani wa Uhuru Media Group, Husna Mlanzi na Athony Chuwa wanatoka ITV pamoja na Steven ambaye Ofisa Habari Wilaya ya Ukerewe na Majeruhi ni Tunu Heman - Freelancer na Vany Charles  - Icon TV

Kwa mujibu wa taarifa ambazo zimeifikia Michuzi TV na Michuzi Blog ni kwamba Waandishi hao walikuwa kwenye msafara wa Mkuu wa Mkoa wa Mwanza ambaye alikuwa akielekea wilayani Ukerewe kwa ziara ya kikazi .Gari waliyokuwamo waandishi hao ilipata ajali baada ya kugongana na gari aina ya Hiace.

Mwekiti wa Klabu ya waandishi wa Habari Mkoa wa Mwanza Edwin Soko kupitia taarifa yake kwa vyombo vya habari alisema ajali hiyo imetokeaa eneo la Busega na Mganga Mkuu Mkoa wa Mwanza amethibitisha vifo vya watu watano."Nawaomba tuwe watulivu kwa wakati huu."