BALOZI MARYVONNE POOL AULA PALEDEC

 Na Khadija Kalili

Bodi ya Wakurugenzi ya Pan African Leadership and Entrepreneurship Centre (PALEDEC) imemtangaza Mheshimiwa Balozi wa Visiwa vya Shelisheli Maryvonne Pool kuwa Mwenyekiti wa Bodi ya Wakurugenzi kuanzia Januari 10 mwaka huu  Hadi ifikapo  mwaka  2024.

Kabla ya uteuzi huo  Mheshimiwa  Maryvonne alishinda tuzo ya heshima inayotambua mchango wa maisha yake katika kutoa misaada ya kiutu  wakati wa Mkutano wa  sita wa  (Pan African Humanitarian Summit and Awards) uliofanyika Novemba, 2021 Jijini  Istanbul nchini Uturuki

Alipata tunzo hiyo kutokana na mchango wake katika kujitolea  kwenye  kazi za  uwezeshaji kwa wanawake kiuchumi na kukuza maendeleo ya  vijijini.

 Maryvonne ni mwanzilishi na Mkurugenzi Mtendaji wa Shirika lisilo la kiserikali  linalofahamika kwa jina la African Reflections Foundation ambalo limejikita zaidi katika kuboresha upatikanaji wa elimu bora, maji safi na salama  na  kwa uhakika, kuwawezesha wanawake  kiuchumi, utoaji wa huduma katika sekta ya afya na uboreshaji wa vituo na kukuza maendeleo vijijini kupitia  viwanda vidogo na vya kati vinavyoongeza thamani ya mazao ya kilimo.

“Nimefurahi kuteuliwa kuwa Mwenyekiti mpya wa Bodi ya Kituo cha Maendeleo ya Uongozi na Ujasiriamali cha Pan African (PALEDEC) nimekuwa nikipendezwa na ukuaji endelevu wa Afrika kwa ujumla na ninatarajia kufanya kazi na PALEDEC na washirika kubadilisha uwekezaji endelevu na kukuza uchumi wa buluu' .

Balozi MaryVonnre alisema kuwa vodi ya PALEDEC ina jukumu muhimu katika kuongoza ushirikiano na kuhakikisha kuwa uwekezaji wa ndani ya Bara la Afrika unakuwa kitovu cha uchumi na kuwa ajenda ya kikanda na kimataifa ili kuimarisha maendeleo ya watu, kwa usawa na endelevu Barani Afrika. 

"Kamati ya Bodi na mimi tutaendelea kujenga ushirikiano imara na viongozi katika Jumuiya za Diaspora na Afrika ili kupunguza umaskini katika bara hili na kufikia maendeleo endelevu." alisema Balozi huyo.