KATIBA NI KAMA BIBLIA KILA MTU ANAONA MWENZAKE ALIVYOITAFSIRI NI TOFAUTI

 Na Mwandishi Wetu- Dodoma

Katika mazingira ya kawaida mapokeo ya watu na kila mtu ana mapokeo yake na wanajiuliza kwa nini katiba imewekwa mwisho

Hayo yamezungumzwa  na Naibu Waziri wa Katiba na Sheria Geophrey pinda  wakati akizindua magari mawili ya Tume ya haki za Binadamu  na Utawala  Bora katika ofisi  Za Tume hiyo zilizopo Kilimani Jijini Dodoma.

" Nchi Sasa tuko kwenye maendekeo na wakati mwingine unaangalia katiba ndiyo lakini je nini adhari yake kwenda kwenye swala la utoaji haki." amesema Pinda

Pinda amesema Katiba Ina haki zote wale wanaokwenda kuisimamia labda ndo Wana matatizo tatizo 

"Katiba hii ni kama Bibilia kila mtu akinyanyuka na kuona mwenzake alivyotafsiri Biblia ni tofauti naye anasema ngoja na mimi nisimame niwe mtafsiri dini ni nyingi lakini hakuna aliyebadili mstari hata mmoja katika kitabu hicho." - Pinda

Aidha Pinda amesema hiyo ni demokrasia na haiwezekani kuwaweka watumishi wa Mungu pamoja katika hatua ya kubishana kwenye kitabu Kitakatifu, hivyo hata katiba iliyopo ndiyo Mana Rais amesema hilo swala lipewe muda na kuangalia ni namna gani watafanya marekebisho.   

Hao walioianzisha na waliokuja na mjadala wote hao ilikuwa ni katika kuimarisha upatikanaji wa haki maeneo mbalimbali.

"Umuhimu wa Katiba mpya na umuhimu wa Katiba iliyopo hivi ndivyo Rais Samia  anavyotekeleza kwa katiba hii jinsi ambavyo wananchi watakavyofikiwa na haki." amesema  Naibu Waziri Pinda

Hata hivyo Pinda amesema Rais Samia anastahili pongezi kwa kuliona hilo. Lakini kwa watu wengine kubishana kwa ajili ya Katiba huwezi kuzuia kwa sababu kila mtu anaangalia jinsi alivyosoma na kuelewa mistari hiyo.

Kwa upande wake Mwenyekiti  wa Tume ya haki za Binadamu  na Utawala  Bora   Mathew Mwaimu (JajiMstaafu)  ameishukuru Serikali chini ya uongozi wa Rais Samia kwa kuipatia Tume hiyo fedha na kuwezesha kununua magari hayo 

"Kwetu sisi Watumishi wa Tume tunaona kuwa hii ni ishara tosha kwamba Serikali  inajali na kuona umuhimu wa kuiwezesha tume kutekeleza majukumu yake ipasavyo kwa kuwa swala la kukuza na kuimarisha haki za binadamu  na misingi ya utawala bora ni nguzo muhimu ya kuboresha maisha ya wananchi." - amesema  Mwenyekiti Jaji Mstaafu Mwaimu

       

Naibu Waziri wa Katiba na Sheria  Mhe.Geophrey Pinda (kushoto) akisalimiana na Mwenyekiti  wa Tume ya haki za Binadamu  na Utawala  Bora  Mhe Mathew  P.M.Mwaimu (JajiMstaafu) mara baada  ya kuwasili katika ofisini  za Tume hiyo zilizopo Kilimani  Jijini  Dodoma  Machi 29,2022.

Naibu Waziri wa Katiba  na Sheria  akikata utepe kwaajili  ya kuzindua Magari mawili ya Tume ya haki za Binadamu  na Utawala  Bora Machi 29,2022 katika ofisi  Za Tume hiyo zilizopo Kilimani Jijini Dodoma  Machi 29,2022 .