Viongozi wa umma waagizwa kuacha kufanya kazi kwa nidhamu ya uoga

Na Amiri Kilagalila,Njombe

Kiongozi wa mbio za Mwenge wa uhuru kitaifa Ndugu.Sahili Geraruma ameagiza viongozi wa umma nchini kuacha kufanya kazi kwa nidhamu ya woga ili kazi zao ziweze kutekelezwa kwa ufanisi.

Geraruma ametoa agizo hilo wilayani Wanging’ombe mkoani Njombe wakati akikagua na kuweka jiwe la msingi katika mradi wa ujenzi wa barabara kwa kiwango cha lami katika mitaa ya mji mdogo uliopo katika kata ya Ilembula.

“Ndugu zangu viongozi msifanye kazi kwa nidhamu za uoga kisa umeskia Mwenge unakuja ndio unafanya kazi usiku na mchana huko ni kuidhalilisha serikali”alisema Geraruma

Amesema serikali imewaamini viongozi wa umma hivyo ni wajibu wao kuonyesha uchapakaji kazi ili kuwaletea wananchi maendeleo.

“Serikali imetupa kazi,tuwatumikie wananchi na kama hutaki unasema kwasababu kuna watanzania wengi ambao wanaifanya kazi tunazozifanya na wanazihitaji,naagiza mkipewa kazi na serikali kuanzia ngazi ya chini hebu fanya kazi kwa moyo mmoja kwa kuwa wewe ndiye uliyeomba kazi”aliongeza Geraruma

Aidha mbio za Mwenge wa uhuru zimeukagua mradi huo na kuweka jiwe la msingi kutokana na kuridhishwa na namna mradi unavyojengwa.

Kiongozi wa mbio za Mwenge wa uhuru kitaifa Ndugu.Sahili Geraruma akizungumza na wananchi wa Ilembula mara baada ya kufanya ukaguzi wa ujenzi wa barabara.
Kiongozi wa mbio za Mwenge wa uhuru akifungua jiwe la msingi katika barabara ya Ilembula mala baada ya kukagua na kuridhia kiwango cha ujenzi.
Viongozi wa Mwenge wa uhuru wakikagua sehemu ya ujenzi wa bara bara wilayani Wanging’ombe mkoani Njombe.