JAMHURI ya Muungano wa Tanzania itakuwa mwenyeji wa Mkutano mkubwa wa Shirika la Utalii Duniani ( UNWTO), utakaofanyika mjini Arusha kuanzia tarehe 5 - 7 Oktoba 2022.
Wizara ya Mambo ya Nje na Ushirikiano wa Afrika Mashariki kupitia Ubalozi wa Jamhuri ya Muungano wa Tanzania, Paris kwa kushirikiana na Wizara ya Maliasili na Utalii ulikuwa mstari wa mbele kuzishawishi nchi wanachama wa UNWTO kukubali mkutano huo ufanyike nchini Tanzania.
Mkutano huo pamoja na kuwaleta Mawaziri wa Utalii kutoka nchi zote za Afrika, pia utahudhuriwa na wadau wa utalii kutoka nchi mbali mbali duniani wanachama wa UNWTO.
Aidha, Mkutano huo utaitangaza zaidi filamu ya Tanzania Royal Tour yenye lengo la kukuza sekta ya Utalii na kuvutia uwekezaji katika sekta hiyo. Juhudi hizo ni utekelezaji wa maagizo ya Mhe. Samia Suluhu Hassan, Rais wa Jamhuri ya Muungano wa Tanzania kuhusu kujikita katika utalii wa mikutano.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...