NORWEGIAN CHURCH AID TANZANIA,WASHRIKA WAZINDUA MSAFARA WA VIJANA KUHAMASISHA AMANI NA UTENGEMANO WA JAMII ‘AMANI YETU, KESHO YANGU’

 

Norwegian Church Aid  Tanzania pamoja na washirika wamezindua msafara wa vijana, kisiwani Pemba kuhamasisha Amani na Utengemano  wa jamii, wenye ujumbe ‘’ Amani Yetu, Kesho Yangu’’. Msafara huo utapita katika Wilaya nne ikiwemo Chake Chake, Mkoani, Wete na Micheweni ( Nizar Seleman Utanga (Afisa Uchechemuza na Mawasiliano - NCA-Tanzania (Picha 1)

Msafara wa vijana wenye ujumbe "Amani Yetu, Kesho Yangu’’ unawaleta pamoja mabalozi wa amani, vijana, wanaume, wanawake,   viongozi wa dini mbalimbali pamoja na wawakilishi toka asasi za kiraia   (2)

Msafara huo ni sehemu ya utekelezaji wa mradi wa Amani na Utengamano wa jamii unaotekelezwa Zanzibar na Pemba tangu mwaka 2020. Mradi huo unatekelezwa na Norwegian Church Aid kwa kushirikiana na Zanzibar Interfaith Centre/Kanisa la Kiinjili la Kilutheri Tanzania, Dayosisi ya Mashariki na Pwani (KKKT DMP) na Ofisi ya Mufti Zanzibar kwa ufadhili kutoka Ubalozi wa Norway nchini Tanzania.   ( 3 )

Kupitia mpango huu, mafunzo mbalimbali yamewezeshwa yakiwalenga vijana, wanawake, wasichana na viongozi wa dini ili kuimarisha uwezo wao katika kujenga amani na kuimarisha mahusiano ya dini mbalimbali. Aidha,  nyenzo mbalimbali zimeendelea kutumika ikiwemo utenzi, michezo,  maigizo na ngonjera ili kuongeza vionjo na kufikisha ujumbe kwa jamii.   (4)

Timu za Amani za wilaya ya Wete na Micheweni zikichuana kuwania kombe la Interfaith Amani 2023 lililoandawaliwa na shirika la Makanisa Norway kwa ufadhili wa Ubalozi wa Norway Tanzania (5)