Na Mwandishi Wetu
MKUU wa Mkoa wa Shinyanga Christina Mdeme amewataka wafanyabiashara ndogondogo maarufu Machinga kujiunga na mfumo wa Kanzi data ambao utarahisisha kutatua matatizo ya kiuchumi na kijamii ikiwa ni pamoja na kurahisisha mfumo wa bima ya afya .
Akizungumza wakati akihitimisha kongamano la Shirikisho la Umoja wa Wamachinga (Shiuma) lililoambatana na uzinduzi wa Kanzi data kwa jailli ya machinga na wajasiliamali nchi nzima kupitia vocha maalumu lililofanyika wilayani Kahama mkoani Shinyanga Mdeme amesema zoezi hilo litawaweka wamachinga pamoja.
"Kanzi data itasaidia kujua idadi kamili ya wamachinga hadi wanapokaa maeneo ambayo hayafikiki na hivyo kurahisha utatuzi wa maswala mbali mbali yakiwemo ya afya pia Shiuma itaweza kuwatambua kwa usahihi ,idadi na mahali walipo wanachama wake.
Kwa upande wake Mkurugenzi wa TIVA Tanzania James Mhingo anasema kumekuwa na pengo la kiteknojia hali iliyopelekea kukosekana kwa mifumo dhabiti na ya kisasa inayoweza kuunganisha kidigitali hospitali zote nchini na watoa huduma wakiwemo walengwa ambayo ni jamii kwa ujumla hivyo wameamua kuanza kutengeneza mfumo kwanza kabla ya bima yenyewe.
"Tumeanza na uzinduzi wa mfumo kanzi data kwa makundi maalumu wakiwemo machinga /wajasiliamali hii itawezesha kujua idadi yao Kila mkoa na nchi nzima na pia kuwezesha kupatiwa huduma za Bima ya Afya hapo badae mfumo utakapokamilika”, Amesema Mhingo na kuongeza
"Jamii imekuwa ikitumia mifumo duni na isiyoendana na wakati katika kuwafikia wateja hivyo watakapo kuwa kwenye mfumo itawarahisishia kupatiwa huduma mbali mbali”
Mhingo amesema Kampuni ya TIVA itatumia mfumo wake wa teknologia ambayo inatumia vocha ambazo zitapatikana kote nchini na pia watu watajisajili kwa kutumia simu katika kusajili wanachama hivyo tumeanza na wanachama wa Shiuma lengo kubwa ni kuwarahishia kujisajili kwa kutumia bima mkononi kwa Kila mtu atakayehitaji nchi nzima.
Aidha Mwenyekiti wa wamachinga Mr Mboto amesema kuwa kutokana na mfumo huo utawasaidia kuondoa changamoto za kuweza kuwatambua kwa usahihi ,idadi na mahali waliko wanachama wake pia itatumika kwa matumizi mengine ya kiofisi na kiutawala.
"Kanzidata hii itasaidia katika kuandaa na kuratibu shughuli zote za utoaji huduma ya bima ya afya itakapoanza pia itasaidia kimawasiliano na katika kutatua changamoto mbalimbali” amesema Mboto
Pamoja na hayo Mkurugenzi wa Fedha na Masoko Tiva Tanzania , Mark Irunde amesema takwimu zinaonyesha asilimia 15 tu ya Watanzania wanabima za afya na hivyo kuacha asilimia 85 ambao hawana na hivyo kutegemea zaidi fedha ambazo mgonjwa atakuwa nazo wakati anaumwa.
Amesema hali hii hupelekea kutegemea msaada kutoka kwa ndugu ,marafiki katika kugharamia matibabu ya mgonjwa na hii huwaweka watu wengi katika hatari ya kupoteza maisha hivyo kupitia zoezi hili la kanzi data itarahisha wananchi kupata matibabu kwa njia rahisi kupitia mfumo wa bima .
Tiva ambayo ni Kampuni mpya ya Bima inatarajia kusajili Watu milioni 3.8(watu milioni tatu na laki nane) na kwamba asilimia 8 ya watanzania watajisajil kupitia simu za mkononi.
“Bima hii ni soko huria, kwa utumiaji wa Kanzi data mteja ataweza kuona invoice mgonjwa akiwa hospital kupitia kwenye mfumo, na hakutakuwa na kufoji.
"Tunawafungia mfumo huu wa kanzidata katika hospitali bure nchi nzima kwenye hospitali zote, na mfumo huu utaonana na mifumo mingine."
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...